უკრაინული მედიის ცნობით, უკრაინის პრეზიდენტმა ვოლოდიმირ ზელენსკიმ კიევში გამართულ პრესკონფერენციაზე განაცხადა, რომ მისი და ჩინეთის ლიდერის სი ძინპინის საუბარი უკრაინის სამშვიდობო ინიციატივებში პეკინის ჩართვას ეხებოდა.

ზელენსკის თქმით, მისთვის მნიშვნელოვანია, რომ უკრაინის სამშვიდობო გეგმაში რაც შეიძლება მეტი ქვეყანა ჩაერთოს, რომლებიც შემდგომ რუსეთზე გავლენას მოახდენენ, რათა აღდგეს მშვიდობა და უკრაინის ტერიტორიული მთლიანობა.

„ჩვენ გვქონდა მნიშვნელოვანი საუბარი. რაც შეეხება მომავალ შეხვედრას, ამაზე არ გვისაუბრია. რაც შეეხება მნიშვნელოვან საკითხებს, რომლებზეც ვისაუბრეთ, პირველ რიგში, ისინი ეხებოდა უსაფრთხოებას. ჩვენთვის ძალიან მნიშვნელოვანია ჩვენს ფორმატში, ჩვენს მშვიდობის ფორმულაში რაც შეიძლება მეტი ქვეყანა ჩავრთოთ, რომლებიც შემდეგ შეძლებდნენ რუსეთზე ზეწოლას, რათა აღდგეს მშვიდობა, აღდგეს ჩვენი ტერიტორიული მთლიანობა“, - განაცხადა ზელენსკიმ.

შეგახსენებთ, უკრაინის და ჩინეთის პრეზიდენტებს შორის საუბარი 26 აპრილს შედგა, ეს უკრაინაში რუსეთის მიერ ფართომასშტაბიანი ომის დაწყებიდან სი ძინპინისა და ვოლოდიმირ ზელენსკის პირველი საუბარი იყო.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა