დროებით ოკუპირებულ ცხინვალში 38 წლის შშმ პირის, სოსლან ვალიევის მკვლელობაში ბრალდებული გიორგი სიუკაევი დააკავეს. აღნიშნულის შესახებ ინფორმაციას გამოცემა Ekho Kavkaza ავცრელებს.

გამოცემის ცნობით, სიუკაევი "ვაგნერის" დაქირავებული მებრძოლი და 2008 წლის რუსეთ-საქართველოს ომის მონაწილეა.

"გიორგი სიუკაევი ვაგნერელებთან მოხვდა საპატიმროდან, სადაც ის სასჯელს იხდიდა მეთაურის მკვლელობისთვის, რაც 2014 წელს, დონბასში სამხედრო მოქმედებების დროს ჩაიდინა, სადაც სავარაუდოდ, სამხრეთ ოსეთიდან მოხალისის სახით იყო წასული. აქამდე ის, სრულიად ახალგაზრდა, 2008 წლის ომშიც მონაწილეობდა",- წერს ერთ-ერთი ტელეგრამ-არხი სიუკაევზე.

გარდა ამისა, დროებით ოკუპირებული ცხინვალის ე.წ. პროკურატურამ გაავრცელა განცხადება, რომ დამნაშავე, გიორგი სიუკაევი ცხელ კვალზე დააკავეს. ამასთან, დაკავებამდე დროებით ოკუპირებული ცხინვალის ე.წ პრეზიდენტმა, ალან გაგლოევმა სპეციალური სხდომა ჩაატარა, სადაც სიუკაევის დაკავების აუცილებლობაზე ისაუბრა.

"სამწუხარო რამ მოხდა. თუ სიუკაევი დამნაშავეა და კვალი მასთან მიდის, აუცილებელია მისი მიწიდან ამოთხრაც კი. ყველა, ვინც შესაძლოა მას მალავდა, მალავდა მის ავტომობილს, ყველას დააკავებენ. თუ ხალხი საკმარისი არ იქნება, სახელმწიფო სამსახური და სპეციალური დანიშნულების მობილური დანაყოფიც (ОМОН) დაგეხმარებათ. ეს რეზონანსული საქმეა",- განაცხადა გაგლოევმა.

ცნობისთვის, გეორგი სიუკაევმა 38 წლის სოსლან ვალიევი ცივი იარაღის გამოყენებით დაჭრა. ის ადგილობრივ საავადმყოფოში მიღებული ჭრილობების შედეგად გარდაიცვალა. 

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს