მოწამლვა მოითხოვს, პირველ რიგში, მძიმე მეტალებისგან გათავისუფლებას და ამას ვერცერთი კლინიკის ვერცერთი ექიმი თავისთავზე ვერ იღებს. უნდა მოხდეს გაყვანა უცხოეთის კლინიკაში, - ამის შესახებ საქართველოს მესამე პრეზიდენტის დედამ, გიული ალასანიამ მიხეილ სააკაშვილთან დაკავშირებით განაცხადა.

როგორც ალასანიამ ჟურნალისტებს უთხრა, "ვივამედი" მაქსიმალურს აკეთებს, მაგრამ "მდგომარეობა უარესდება და მისი გადაყვანა სხვაგან არის საჭირო".

"ვივამედი" თანახმაა. არაერთხელ მოგვისმენია ბატონი ზურაბისგან, რომ ისინი მაქსიმალურად ცდილობენ, მაგრამ მდგომარეობა უარესდება. ეს იმას ნიშნავს, რომ მისი გადაყვანა სხვაგან არის საჭირო. სხვაგან სად?! მოწამლვა მოითხოვს, პირველ რიგში, მძიმე მეტალებისგან გათავისუფლებას და ამას ვერცერთი კლინიკის ვერცერთი ექიმი თავისთავზე ვერ იღებს. უნდა მოხდეს გაყვანა უცხოეთის კლინიკაში. კლინიკაში, რომელსაც აქვს მსგავსი გამოცდილება. მსგავსი არაფერი მინახავს, ადამიანი ვერ ჭამს ვერაფერს", - განაცხადა გიული ალასანიამ.

შეგახსენებთ, გუშინ, 2 აპრილს კლინიკა "ვივამედში" საქართველოს მესამე პრეზიდენტის მოსანახულებლად სახალხო დამცველის კონსილიუმი შევიდა. როგორც კონსილიუმის წევრებმა კლინიკიდან გამოსვლის შემდეგ, ჟურნალისტებთან საუბრისას განაცხადეს, მიხეილ სააკაშვილის მდგომარეობა მძიმეა და დასჭირდება სერიოზული ჩარევები, რომ მისი სიცოცხლე გადარჩეს.

ავტორი: ექსპრესნიუსი,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია