თავდაცვის მინისტრმა ჯუანშერ ბურჭულაძემ ტელეკომპანია რუსთავი 2-ის გადაცემა "ღამის კურიერის" ეთერში აშშ-ში ვიზიტზე ისაუბრა და აღნიშნა, რომ ყველა ფორმატში გაზრდილია თანამშრომლობა სტრატეგიულ პარტნიორთან.

„ყველა ფორმატში გაზრდილი გვაქვს ინტენსიობა. ჩვენ ვართ რამშტაინის ჯგუფის მონაწილე. ეს ვიზიტი თავისთავად ხაზს უსვამს, თუ რა დონეზეა ჩვენი საგარეო ურთიერთობები ჩვენს სტრატეგიულ პარტნიორთან და ის დაფინანსებაც და სამომავლო გეგმებიც, რაც ჩვენ დავისახეთ რა, თქმა უნდა, კიდევ ერთხელ ხაზს უსვამს ჩვენს ურთიერთობას პარტნიორებთან“- განაცხადა მინისტრმა. 
მინისტრის განმარტებით, საუბარი შეეხებოდა იმ საჭიროებებს, რაც საქართველოს უდგას შეიარაღების თვალსაზრისით. 

„ჩვენ განვიხილეთ ის საჭიროებები, რაც საქართველოს უდგას შეიარაღების თვალსაზრისით. მომზადებული გვაქვს გრძელვადიანი პერსპექტივის გეგმა, თუ რა საჭიროებები დგას თავდაცვის ძალების წინაშე 2030 წლამდე. ეს გეგმა პარტნიორებთან ერთად შევადგინეთ. ჩვენ გეგმაზე ვისაუბრეთ, თუ რა დავისახეთ მიზნად ჩვენი რესურსით. ასევე იმ პოტენციურ დახმარებაზე, რაც შეიძლება იყოს მიღებული ჩვენი პარტნიორებისგან”,- განაცხადა ბურჭულაძემ.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს