2023-02-21 14:09:37, 1590 ნახვა
ომი უკრაინაში
პუტინი - უკრაინელი ხალხი დასავლელი ბატონების მძევალი გახდა
რუსეთის პრეზიდენტი ვლადიმერ პუტინი ამტკიცებს, რომ უკრაინელი ხალხი "დასავლელი ბატონების მძევალი" გახდა, რომლებმაც ქვეყანა პოლიტიკური, ეკონომიკური და სამხედრო თვალსაზრისით დაიკავეს.
რუსეთის პრეზიდენტმა ფედერაციის საბჭოს წინაშე სიტყვით გამოსვლისას განაცხადა, რომ "უკრაინის რეჟიმი არ ემსახურება მათ ეროვნულ ინტერესებს, ისინი ემსახურებიან უცხო ძალების ინტერესებს“.
მისი თქმით, დასავლეთი ცდილობს ადგილობრივი კონფლიქტი გადააქციოს გლობალურ კონფლიქტად, რაზეც პუტინი ამბობს, რომ „რუსეთი სათანადო რეაგირებას მოახდენს“.
ცნობისთვის, დღეს, რუსეთის პრეზიდენტმა პარლამენტის გაერთიანებულ პალატას სიტყვით მიმართა. 2021 წლის შემდეგ, ვლადიმერ პუტინი ფედერაციის საბჭოს წინაშე სიტყვით პირველად გამოვიდა.
ავტორი: ექსპრესნიუსი,
epn.ge (@expressnews.ge)
