სლოვაკეთის რესპუბლიკის ეროვნულმა საბჭომ კიდევ ერთხელ დაგმო რუსული აგრესია და გამოხატა მხარდაჭერა უკრაინის დამოუკიდებლობის, სუვერენიტეტისა და ტერიტორიული მთლიანობის მიმართ.

სლოვაკეთის პარლამენტმა ხუთშაბათს მიღებულ რეზოლუციაში დაგმო რუსეთის ფართო თავდასხმები მშვიდობიანი მოსახლეობის, სამოქალაქო ობიექტებზე და მთავარ ენერგეტიკულ სტრუქტურაზე.

რეზოლუცია ასევე აღიარებს რუსეთის ამჟამინდელ რეჟიმს ტერორისტულ, ხოლო რუსეთის ფედერაციას ტერორიზმის სპონსორ სახელმწიფოდ. 

დეპუტატებმა ასევე დაგმეს რუსეთის პირდაპირი და ირიბი მუქარა ბირთვული იარაღის გამოყენების შესახებ. რეზოლუცია არ აღიარებს უკრაინის დონეცკის, ლუგანსკის, ხერსონისა და ზაპოროჟიეს ოლქებში ჩატარებულ რეფერენდუმს და ხაზს უსვამს, რომ ეს ტერიტორიები რჩება უკრაინის შემადგენლობაში.

პარლამენტმა ასევე მხარი დაუჭირა ომის დანაშაულების გამოძიებისთვის სპეციალური ტრიბუნალის შექმნას. 

ამასთან, დოკუმენტი გმობს ჰიბრიდულ ომს, რომელსაც რუსეთი სლოვაკეთის ტერიტორიაზე აწარმოებს. რეზოლუცია მოუწოდებს სამართალდამცავ ორგანოებს, სადაზვერვო სამსახურებს და სხვა კომპეტენტურ ორგანოებს, მიიღონ ქმედითი ზომები სლოვაკეთში უსაფრთხოებისა და დემოკრატიის შესანარჩუნებლად.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე