თქვენ ხართ ომში მყოფი ქვეყნის ლიდერი, რომელიც შთააგონებს მთელ მსოფლიოს, განსაკუთრებით თავისუფალ მსოფლიოს თქვენი ქვეყნის მართვით, სისასტიკის წინააღმდეგ ბრძოლით, - ასე მიმართა ევროპული საბჭოს პრეზიდენტმა, შარლ მიშელმა უკრაინის პრეზიდენტს, ვოლოდიმირ ზელენსკის.

მისივე თქმით, უკრაინა თავს იცავს და იბრძვის მომავლისთვის და წელიწადზე ნაკლებ დროში იმაზე მეტად მიუახლოვდა ევროკავშირში გაერთიანებას, როგორც არასდროს.

"ძვირფასო პრეზიდენტო ზელენსკი, თქვენ ვერ წარმოიდგინეთ, რამდენად ამაღელვებელია ჩემთვის თქვენი მიღება ევროპის საბჭოში, მოგესალმებით უდიდესი პატივისცემით, კეთილი იყოს დაბრუნება ევროკავშირში, კეთილი იყოს თქვენი დაბრუნება სახლში. ჩვენ ვიცით, რა რისკებთანაა დაკავშირებული თქვენი აქ ჩამოსვლა და ამის გამო კიდევ უფრო დიდ პატივს ვცემთ ამას.

ძვირფასო ვოლოდიმირ, თქვენ ხართ ომში მყოფი ქვეყნის ლიდერი, რომელიც შთააგონებს მთელ მსოფლიოს, განსაკუთრებით თავისუფალ მსოფლიოს თქვენი ქვეყნის მართვით, სისასტიკის წინააღმდეგ ბრძოლით, იმის დაცვით, რაც უკრაინას ეკუთვნის.

თქვენი აქ ყოფნა ომის დაწყებიდან 1 წლის შემდეგ ძლიერი სიმბოლოა. თქვენ წარმოადგენთ უკრაინელ ხალხს, რომელიც იბრძვის და თავს იცავს, იცავს თავის ოჯახებს, სახლებსა და მომავალს. ამის მიუხედავად, წელიწადზე ნაკლებ დროში თქვენი ქვეყანა ევროკავშირთან იმაზე ახლოს მიიყვანეთ, ვიდრე ოდესმე ყოფილა", - განაცხადა შარლ მიშელმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს