დიდი ბრიტანეთის ყოფილმა პრემიერ-მინისტრმა ბორის ჯონსონმა განაცხადა, რომ უკრაინის არმიაში თანამედროვე იარაღის არსებობა რუსეთთან ომის ესკალაციას არ გამოიწვევს.

ჯონსონის თქმით, უკრაინამ „საკუთარი ბედი ნატო-ში უნდა ეძებოს“, რადგან ალიანსში არ ყოფნამ „ბოლო 80 წლის განმავლობაში ევროპაში ყველაზე უარესი ომი გამოიწვია“.

„ხალხი დასავლეთში წუხს, რომ სიტუაცია გაუარესდება, თუ ჩვენ უკრაინას მივცემთ იარაღს. არ მოუსმინოთ მათ არგუმენტებს, ვინც ესკალაციაზე საუბრობს. ბუჩაში ვიყავი. როგორ გავაღრმაოთ დაპირისპირება, სადაც ერთი მხარე უკვე იყენებს ყველაზე მოწინავე თანამედროვე თვითმფრინავებს საცხოვრებელი უბნების დასაბომბად? უკრაინა იმსახურებს ყველა შესაძლო დახმარებას“, - თქვა ჯონსონმა.

ჯონსონმა თქვა, რომ მთელ მსოფლიოს „უკრაინის ვალი აქვს“, რადგან ის იბრძვის ყველასთვის, ვინც შეიძლება გახდეს „ვლადიმერ პუტინის აგრესიის მსხვერპლი“. 

”ჩვენ, თქვენი მეგობრები, დაგეხმარებით ამ ომის რაც შეიძლება მალე დასრულებაში. იმიტომ, რომ ეს იქნება საუკეთესო რამ მსოფლიოსთვის, რათა ხალხი არ დაიღუპოს და ეს იქნება საუკეთესო რამ უკრაინისთვის“, - თქვა მან. 

ჯონსონის თქმით, ომის დასასრულებლად აუცილებელია უკრაინას ყველა საჭირო იარაღი, რაც შეიძლება მალე მიეწოდოს. 

"ეს ნიშნავს, რომ ჩვენ უნდა მივაწოდოთ ტანკები. მე ვამაყობ, რომ ჩვენ ვართ პირველი ქვეყანა, რომელმაც გამოგვიგზავნა "ჩელენჯერის" ტანკები და ჩვენ ველით ტანკებს სხვა ქვეყნებიდან. ჩვენ გვინდა მივაწოდოთ თვითმფრინავები უკრაინის ხალხისთვის და გვჭირდება უკეთესი აღჭურვილობა, იარაღი. ყველანაირი, რაც საშუალებას მოგცემს დაიცვათ თქვენი ქვეყანა“, - განაცხადა ყოფილმა პრემიერმა. 

შეგახსენებთ, რომ გუშინ, 22 იანვარს დიდი ბრიტანეთის ყოფილი პრემიერ-მინისტრი ბორის ჯონსონი უკრაინაში ჩავიდა. ჯონსონი უკრაინის პრეზიდენტს, ვოლოდიმირ ზელენსკის შეხვდა.

აღსანიშნავია, რომ ეს უკრაინაში მისი პირველი ვიზიტი არ არის. მანამდე, ყოფილი პრემიერ-მინისტრი საომარ მდგომარეობაში მყოფ ქვეყანას ორჯერ ესტუმრა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს