საფრანგეთის პრეზიდენტი ემანუელ მაკრონი არ გამორიცხავს, რომ უკრაინას Leclerc-ის მძიმე საბრძოლო ტანკები მიაწოდოს. ამის შესახებ საფრანგეთის პრეზიდენტმა ემანუელ მაკრონმა პარიზში, გერმანიის კანცლერ ოლაფ შოლცთან გამართულ პრესკონფერენციაზე განაცხადა.

"რაც შეეხება Leclerc-ებს, მე ვთხოვე შეიარაღებული ძალების მინისტრს, რომ ემუშავა ამაზე. არაფერია გამორიცხული და ეს ნამდვილად კოლექტიურად ფასდება", - თქვა მაკრონმა.

ამავდროულად, საფრანგეთის ლიდერმა დაასახელა სამი პირობა, რომლითაც შეიძლება ასეთი მიწოდება განხორციელდეს:

• Leclerc-ის ტანკების უკრაინაში გადაცემამ არ უნდა გამოიწვიოს კონფლიქტის ესკალაცია; 
• მიწოდება უნდა გახდეს უკრაინის "რეალური და ეფექტური მხარდაჭერა";
• ტანკების უკრაინაში გადაცემამ არ უნდა შეასუსტოს თავად საფრანგეთის თავდაცვისუნარიანობა

Leclerc-ის ტანკები დღეს ერთ-ერთ საუკეთესო საბრძოლო მასალად ითვლება, მაგრამ მათი სიმცირის გამო, უკრაინაში მიწოდების საკითხი სერიოზულად ჯერ არ განხილულა.

აქამდე საფრანგეთი უკრაინას აწვდიდა სხვა ტიპის იარაღს - არტილერიას , საჰაერო თავდაცვის სისტემებს, ჯავშანტრანსპორტიორებს და ა.შ. იანვრის დასაწყისში მაკრონი პირველად დაჰპირდა უკრაინას AMX-10 RC საბრძოლო მანქანების მიწოდებას.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს