რუსეთთან მოლაპარაკების საშუალება არ არსებობს, ომი უნდა მოვიგოთ,- ამის შესახებ უკრაინის პრეზიდენტის ადმინისტრაციის უფროსის მრჩეველი, მიხაილ პოდოლიაკი Twitter-ზე წერს.

მისი თქმით, რუსეთის ფედერაცია უკრაინას უმიზეზოდ დაესხა თავს, რუსეთის ფედერაცია აწარმოებს სრულმასშტაბიან ომს ყველა ტიპის იარაღით, ფედერაცია კლავს მშვიდობიან მოქალაქეებს და "ასუფთავებს" ტერიტორიას.

„შეწყვიტეთ თავის მოჩვენება, თითქოს არ გესმით. რუსეთის ფედერაცია უკრაინას უმიზეზოდ დაესხა თავს, რუსეთის ფედერაცია აწარმოებს სრულმასშტაბიან ომს ყველა ტიპის იარაღით, რუსეთის ფედერაცია კლავს მშვიდობიან მოქალაქეებს და "ასუფთავებს" ტერიტორიას. რუსეთის ფედერაცია სჩადის დანაშაულს კაცობრიობის წინაშე. მოლაპარაკების საშუალება არ არსებობს. ომი უნდა მოვიგოთ“,- წერს პოდოლიაკი.

ცნობისთვის, 14 იანვარს რუსეთმა უკრაინის ქალაქებზე სარაკეტო იერიში განახორციელა.

ამავე დროს, დნეპრში, რუსმა ოკუპანტებმა მაღალსართულიანი კორპუსი დაბომბეს, რომელშიც დაახლოებით 1700 ადამიანი ცხოვრობდა.

დნეპროპეტროვსკის რეგიონალური ადმინისტრაციის ხელმძღვანელის, ვალენტინ რეზნიჩენკოს ცნობით, დაბომბვას 35 ადამიანის სიცოცხლე ემსხვერპლა, მათგან ორი ბავშვია. გადარჩენილია 39 ადამიანი, დაშავებულია 75, მათ შორის 14 ბავშვი. კორპუსის 35 მაცხოვრებლის ბედი ამჟამად უცნობია.

ავტორი: ექსპრესნიუსი,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს