ბათუმში, კობალაძის ქუჩაზე ე.წ. "ვოქსის" კორპუსში გაჩენილი ხანძარი ლოკალიზებულია - ინფორმაციას სამაშველო სამსახური ავრცელებს. მათივე განმარტებით, სიტუაცია კონტროლს ექვემდებარება.

მომხდარის შედეგად არავინ დაშავებულა. ადგილზე მობილიზებულიი იყო სახანძრო-სამაშველო სამსახურის ათზე მეტი ეკიპაჟი. მაშველებმა ბოლო სართულამდე შეძლეს ასვლა და ათვალიერებენ ბინებს, რომ ცეცხლის ნაპერწკალს არ შეეღწია.

ადგილზე იმყოფებიან მეხანძრეები, სამართალდამცველები, ასევე ქალაქის მერი არჩილ ჩიქოვანი. მისი განცხადებით, რესტორანი არ ფუნქციონირებდა, ფაქტთან დაკავშირებით კი უკვე მიმდინარეობს გამოძიება.

„დაშავებულები ამ დროისთვის არ გვყავს. მოგეხსენებათ, შემთხვევის დაწყებიდან ადგილზე იმყოფებოდნენ ყველა უწყების წარმომადგენლები. უფრო დეტალურ ინფორმაციას როგორც მერია, ასევე შსს, რომელიც შეისწავლის ხანძრის გამომწვევ მიზეზებს, ხვალ მოგაწვდით“, – განაცხადა არჩილ ჩიქოვანმა.

ავტორი: ექსპრესნიუსი,

სოციალური ქსელები

„ამ კონფლიქტის ბუნება გაურკვეველია.“ ​​ტოკაევმა პუტინს მოუწოდა, შეეწყვიტა ომი უკრაინაში

ზუგდიდში სამხედრო მოსამსახურეს ეძებენ

სალომე ზურაბიშვილი- რეჟიმი ქვეყანას ვერ მართავს, მგონი რუსეთში გაიქცნენ

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს