დამაზიანებელია, როცა სააკაშვილის თანაგუნდელების მხრიდან მისი ჯანმრთელობის მდგომარეობის პოლიტიკური მიზნებისთვის გამოყენება ხდება. - ამის შესახებ პარლამენტის ვიცე-სპიკერმა, არჩილ თალაკვაძემ განაცხადა.

მისივე თქმით, რაც უფრო მეტად ხდება მისი ჯანმრთელობის საკითხების პოლიტიზება, მით მეტად ეშლებათ ექიმებს ხელი.

„მიხეილ სააკაშვილის ჯანმრთელობის მდგომარეობა განეკუთვნება ექიმებისა და ჯანდაცვის სფეროს კომპეტენციას და, ვფიქრობ, დამაზიანებელია, როცა სააკაშვილის თანაგუნდელების მხრიდან მისი ჯანმრთელობის მდგომარეობის პოლიტიკური მიზნებისთვის გამოყენება ხდება. რაც უფრო მეტად ხდება მისი ჯანმრთელობის საკითხების პოლიტიზება, მით მეტად ეშლებათ ექიმებს ხელი, რომ მას სათანადო სამედიცინო მომსახურება გაუწიონ. დღის წესრიგში რჩება ორი კითხვა, რომელიც არაერთხელ დაისვა და დღემდე პასუხგაუცემელია. კერძოდ, რა არის ის დიაგნოზები და დაავადებები, რომლებსაც ქართველი და უცხოელი ექიმები, ვინც ჩართულნი არიან სააკაშვილის მკურნალობის პროცესში, სამოქალაქო კლინიკაში ვერ მკურნალობენ. ასევე, თანამშრომლობს თუ არა სააკაშვილი ექიმებთან თავისი ჯანმრთელობის ინტერესებიდან გამომდინარე და ასრულებს თუ არა იმ რეკომენდაციებს, დანიშნულებას, რაც ექიმების მხრიდან აქვს. ამ ორ კითხვაზე დღემდე მისი დაცვის მხარის მიერ პასუხები არ გვაქვს და არც თანხმობა, ნებართვა არის, რომ ამ კითხვებზე პასუხები გასაჯაროვდეს“. - ნათქვამია განცხადებაში.

შეგახსენებთ, რომ დღეს, მიხეილ სააკაშვილის ადვოკატმა, შოთა თუთბერიძემ განაცხადა, რომ ექსპრეზიდენტი ე.წ. საზღვრის კვეთის საქმეზე სასამართლო პროცესს დაესწრებოდა, რადგან არ სურდა, რომ სხდომა ისევ მისი ჯანმრთელობის მდგომარეობის გამო გადადებულიყო. 

სხდომა 15:00 საათზე იყო ჩანიშნული, თუმცა კლინიკა "ვივამედმა" მესამე პრეზიდენტს სასამართლო პროცესზე დასწრების უფლება არ მისცა.

თბილისის საქალაქო სასამართლოში ე.წ. საზღვრის კვეთის საქმეზე მიხეილ სააკაშვილის სასამართლო სხდომა თარიღის განსაზღვრის გარეშე გადაიდო.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე