გენდერული ნიშნით მოტივირებული ქალთა მკვლელობების წინააღმდეგ საინფორმაციო კამპანიის - „არა ფემიციდს“ ფარგლებში, შიდა ქართლის რაიონული პროკურატურის წარმომადგენლებმა, მცხეთის, გორის და ხაშურის მოსახლეობასთან, ადგილობრივი თვითმმართველობის და სხვადასხვა პროფესიული წრის წარმომადგენლებთან, საინფორმაციო შეხვედრა გამართეს.

შეხვედრებზე, რომელთა მიზანია ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლება და ფემიციდის დანაშაულების პრევენცია, პროკურორებმა მონაწილეებს ფემიციდის, ქალთა მიმართ გენდერული ძალადობის და ოჯახური დანაშაულის წინააღმდეგ პროკურატურის მიერ განხორციელებული ღონისძიებების და არსებული გამოწვევების შესახებ მიაწოდეს ინფორმაცია.

„შიდა ქართლის რეგიონებში გამართულ შეხვედრებზე განხილული იქნა ფემიციდის წინააღმდეგ ბრძოლის, ძალადობის მსხვერპლი ქალების დაცვის და დახმარების სერვისებზე ხელმისაწვდომობის საკითხები; ასევე ქალთა მიმართ და ოჯახში ძალადობის შედეგად დაზარალებული პირების დაცვის და რეაბილიტაციის პროცესი.

პროკურორებმა ხაზი გაუსვეს საქართველოს პროკურატურის მიერ ბოლო წლებში ქალთა მიმართ და ოჯახში ძალადობის წინააღმდეგ ბრძოლის მიმართულებით განხორციელებულ რეფორმებს. მათივე თქმით, ამ ტიპის დანაშაულებთან ბრძოლა პროკურატურის ერთ-ერთ პრიორიტეტს წარმოადგენს.

აღინიშნა ისიც, რომ მნიშვნელოვანია საზოგადოების აქტიური ჩართულობა და ძალადობის პირველივე შემთხვევის შესახებ შეტყობინება, რათა სამართალდამცავმა ორგანოებმა ეფექტიანად მოახდინონ რეაგირება და თავიდან იქნას აცილებული მძიმე დანაშაული. დასასრულს, შეხვედრის მონაწილეებმა გამოთქვეს მოსაზრებები ფემიციდის, გენდერული სტერეოტიპების შესახებ და პროკურორებისგან მათთვის საინტერესო საკითხების შესახებ ამომწურავი პასუხები მიიღეს“,- აღნიშნულია პროკურატურის მიერ გავრცელებულ ინფორმაციაში.

ფემიციდის წინააღმდეგ კამპანია აშშ-ის საელჩოს და გაეროს ქალთა ორგანიზაციის (UN Women) მხარდაჭერით ხორციელდება.

ფემიციდის წინააღმდეგ საინფორმაციო კამპანიის ფარგლებში, პროკურორები საქართველოს სხვადასხვა რეგიონსა და ქალაქში, აქტიურად განაგრძობენ საზოგადოების წარმომადგენლებთან შეხვედრებს.

#არაფემიციდს #მკვლელობაისჯებამკაცრად #შეაჩერეფემიციდი #სიყვარულიარკლავს",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს