საქართველოს სტრატეგიისა და საერთაშორისო ურთიერთობების კვლევის ფონდის (რონდელის ფონდის) მკვლევარი, ზურაბ ბატიაშვილი წერს, რომ ალბანეთში,  რუსეთის სასარგებლოდ ჯაშუშობის ბრალდებით დაკავებული ქალი, საქართველოში ცხოვრობდა.

ბატიაშვილის ინფორმაციით,  რუსეთის მოქალაქე ფსევდონიმით ლანა სატორი საქართველოს სხვადასხვა ქალაქს „ტურისტული“ მიზნით სტუმრობდა.

"გახსოვთ, ცოტა ხნის წინ ალბანეთში სამხედრო ბაზაზე შეპარული რუსები რომ დააკავეს შპიონაჟის ბრალდებით?
დღეს შემთხვევით აღმოვაჩინე, რომ იმ ჯგუფის მინიმუმ ერთი წევრი, რუსეთის მოქალაქე ფსევდონიმით ლანა სატორი დაპატიმრებამდე დიდი ხნის განმავლობაში საქართველოში ცხოვრობდა.

საქართველოში მშვიდად დადიოდა სოფლებში, იღებდა უამრავ ფოტოს.( შეგიძლიათ იხილოთ აქ - მანდვე დევს ინფორმაცია მისი ალბანეთში დაკავების შესახებ, სადაც იხვეწება მიშველეთო), ეცნობოდა ხალხს, სწავლობდა აქაურობას და არც არავის გასჩენია ეჭვი, ვინაა და რას აკეთებს ეს რუსი "ტურისტი" საქართველოში.

რომ არა ალბანეთში ჩავარდნილი ოპერაცია, ისევ თავისუფლად გააგრძელებდა თავის საქმიანობას საქართველოშიც და სხვაგანაც.

ასეთ უპატრონო ქვეყანაში ვცხოვრობთ,"- წერს ბატიაშვილი.

ცნონისთვის,21 აგვისტოს ალბანეთში სამხედრო ქარხანაში შეჭრის მცდელობისას  რუსეთის 2 და უკრაინის 1 მოქალაქე 21 აგვისტოს დააკავეს.დაკავებული სამი პირი - 24 წლის რუსი კაცი, 33 წლის რუსი ქალი და 25 წლის უკრაინელი კაცი ჯაშუშობაშია ეჭვმიტანილი.

ავტორი: ექსპრესნიუსი,

სოციალური ქსელები

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო

თინათინ რუხაძე კულტურის მინისტრის თანამდებობას ტოვებს

მოსამართლე თორნიკე კაპანაძემ ია მელითაური 5-დღიან პატიმრობაში გაუშვა

მამუკა ფიფიამ მაგინა და დამემუქრა - პრორუსულ ფლანგში ერთმანეთს დაუპირისპირდნენ