გარემოს დაცვისა და სოფლის მეურნეობის მინისტრი ოთარ შამუგია თხილის სექტორის წარმომადგენლებს შეხვდა. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე თქმით, შეხვედრაზე მხარეებმა თხილის წარმოება-რეალიზაციასთან დაკავშირებით არსებული გამოწვევები, მათი გადაჭრის გზები და საერთაშორისო ბაზარზე თხილის სექტორში არსებული სიტუაცია განიხილეს.

საუბარი შეეხო ფასის ფორმირების საკითხს, რომელსაც ბაზარი არეგულირებს და, საქართველოს შემთხვევაში, დიდწილად დამოკიდებულია თურქეთში თხილის სექტორში არსებულ მოსავლიანობასა და ფასზე. მხარეებმა ევროპის ბაზრებზე არსებული მოთხოვნა-მიწოდების და საფასო პოლიტიკის საკითხზეც იმსჯელეს.
გარემოს დაცვისა და სოფლის მეურნეობის მინისტრმა, ოთარ შამუგიამ ხაზგასმით აღნიშნა, რომ თხილის სექტორის განვითარების ხელშეწყობა სახელმწიფოსთვის პრიორიტეტია და ამ პროცესში სამინისტრო დარგობრივ ასოციაციებთან და მეთხილე ფერმერებთან აქტიურ კომუნიკაციაშია.

„სამინისტრო მაქსიმალურად ეხმარება თხილის მწარმოებელ ფერმერებს მაღალი ხარისხის თხილის მოსავლის მიღებაში. გადამწყვეტია ის ღონისძიებები, რომლებსაც სახელმწიფო, თხილის მწარმოებელთა ასოციაციასთან ერთად, თხილის სექტორში ახორციელებს მავნებლებთან ბრძოლის მიმართულებით და სადაც მეთხილე ფერმერების აქტიურ ჩართულობას გადამწყვეტი მნიშვნელობა აქვს“, - განაცხადა ოთარ შამუგიამ.

როგორც მინისტრმა აღნიშნა, ხარისხიანი პროდუქციის წარმოება არის უმთავრესი. საერთაშორისო ბაზრებზე კონკურენტუნარიანი და მაღალი ფასის მხოლოდ მაღალი ხარისხის პროდუქციაა.

შეხვედრაზე ყურადღება გამახვილდა თხილის სექტორის განვითარებისთვის ფერმერთა ცოდნის გაღრმავებისა და ახალი ტექნოლოგიების დანერგვის მნიშვნელობაზე.

შეხვედრას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი და სამინისტროს სისტემაში შემავალი შესაბამისი უწყებების წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს