„გირჩი-მეტი თავისუფლების“ ლიდერი, ზურაბ ჯაფარიძე ვიდეომიმართვას ავრცელებს და ამბობს, რომ სექტემბრიდან თანამოაზრეებთან ერთად რიგგარეშე არჩევნების მოთხოვნით საპროტესტო აქციებს იწყებს.

ჯაფარიძის თქმით, არჩევნების გზით ხელისუფლება ვერ შეიცვლება, რადგან საქართველოში ეს უფლება წართმეულია.

"მე გთავაზობთ ოცნებისთვის ძალაუფლების წართმევისთვის ბრძოლას. გთავაზობთ ბრძოლას ისეთი მეთოდებით, როგორიცაა დაუმორჩილებლობა, პროტესტი და საბოტაჟი. მჯერა, რომ ხელისფლებაში მოკალათებულ ორკებს ხელი უნდა შევუშალოთ ძალაუფლების შენარჩუნებაში, არა ქვეყნის მართვაში როგორც ამას წარმოჩენენ, არამედ ძალაუფლების შენარჩუნებაში, რაც პირდაპირ ქვეყნის გაპარტახებას გულისხმობს. დაუმორცილებლობა, პროტესტი და საბოტაჟი მთელი ქვეყნის მასშტაბით.

მე გთავაზობთ ყველას ამაში მონაწილეობას, არ მაინტერესებს რომელი აპრტიის მხარდამჭერი ხარ, არც ის მაინტერესებს, ვის დაუჭერთ მხარს მომავალში, მოგწონვარ თუ არა. მაინტერესებს მხოლოდ სამი რამ - გააზრებული გაქვს თუ არა, რომ თავზე ძალაუფლების უზურპატორი რუსების მონები გაზიან; გააზრებული გაქვს თუ არა, რომ არჩევანის უფლებას მხოლოს ქუჩაში ბრძოლით დაიბრუნებ და მზად ხარ თუ არა ასეთი ბრძოლისთვის". - ამბობს ზურა ჯაფარიძე.

ჯაფარიძე ოპოზიციას აკრიტიკებს და ამბობს, რომ ოპოზიციად წოდებული პარტიების წევრები  ხელისუფლების სისტემის ნაწილები არიან.

"ხელისუფლებისთვის ძალაუფლების წამრთმევი ძალა არ ჩანს. ოპოზიციად წოდებული პარტიების წევრები სისტემის ნაწილები არიან. მათ ინტერესია არ დაკარგონ საპარლამენტო სკამები და ბიუჯეტის ფული.ოპოზიცია მოგებისთვის არ თამაშობს, თამაშობს გადარჩენისთვის და ეს ისიც ივანიშვილმაც. ის რაც ჩვენ გვჭირდება არის არჩევანის უფლება. ივანიშვილი ჩვენი ფულით ყიდულობს ადამიანების ხმებს, საპატრიარქოს და ბიზნესების ერთგულებას,"- ამბობს ჯაფარიძე.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს