რა არის ეს, თუ არა ღია ტერორისტული აქტი?,- ასე გამოეხმაურა რუსეთის ჯარების მიერ ვინიცაში მდებარე სავაჭრო ცენტრის დაბომბვას უკრაინის პრეზიდენტი ვოლოდიმირ ზელენსკი.

მისივე თქმით, რუსეთი ტერორიტული სახელმწიფოა, რომელიც ყოველდღე კლავსმშვიდობიან მოსახლეობას.

"რუსეთი ყოველდღე ანადგურებს მშვიდობიან მოსახლეობას, კლავს უკრაინელ ბავშვებს, ესვრის რაკეტებს სამოქალაქო ობიექტებს. სადაც არაფერია სამხედრო. რა არის ეს, თუ არა ღია ტერორისტული აქტი? არაადამიანები. ქვეყნის მკვლელი. ქვეყანა-ტერორისტი", - განაცხადა პრეზიდენტმა. 

შეგახსენებთ, რომ ვინიცაში მდებარე სავაჭრო ცენტრზე ოკუპანტებმა სარაკეტო იერიში განახორციელეს, დაიღუპა 8 ადამიანი, მათ შორის ერთი მცირეწლოვანი . ვინიცას სამხარეო ადმინისტრაციის თავმჯდომარემ სერგეი ბორზოვმა დაადასტურა ქალაქზე დარტყმები: "ჩვენ გვაქვს სარაკეტო იერიში ვინიცაში. არიან დაღუპულები და დაჭრილები. რაოდენობა ზუსტდება. რეგიონის თავზე 4 რაკეტა ჩამოაგდეს საჰაერო თავდაცვის ძალებმა". წინასწარი ინფორმაციით, შენობას საოფისე ფართით 3 რუსული რაკეტა მოხვდა . აფეთქების შედეგად ასევე დაზიანდა ოფიცერთა სახლი და მიმდებარე საცხოვრებელი კორპუსები.   ხანძარი გავრცელდა ავტოსადგომზე, სადაც სულ მცირე 50 მანქანას ცეცხლი გაუჩნდა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის