ზურაბიშვილი - ვიყენებ ვეტოს კანონზე, რომელიც ეხება მოსმენების გაფართოებას, ეს არის ნიშანი, რომ არ ვეთანხმები ამ გადაწყვეტილებას

2022-06-22 18:27:19, 1020 ნახვა

პოლიტიკა

ვიყენებ ვეტოს კანონზე, რომელიც ეხება მოსმენების გაფართოებას. - განაცხადა საქართველოს პრეზიდენტმა სალომე ზურაბიშვილმა.

მისივე თქმით, იყენებს იმიტომ, რომ ეს უნდა იყოს ნიშანი, რომ ის არ ეთანხმება ამ კანონპროექტს.

"დღეს ვიყენებ ვეტოს კანონზე, რომელიც ეხება მოსმენებს და მოსმენების გაფართოებას, ამდენად, ადამიანის უფლებების შეზღუდვას. ვიყენებ იმიტომ, რომ ეს უნდა იყსო ნიშანი, რომ მე არ ვეთანხმები და ასე მიიღეთ, მე ვიცი, რომ იქნება დაძლეული და არ შეცვლის შინაარსობრივად, მაგრამ ეს იქნება ყოველივე კანონზე, რომელიც ამ 6 თვეში იქნება მიღებული არასწორი მიმართულებით, მე დავადებ ვეტოს და ავხსნი, რატომ ვადებ ვეტოს. ეს არის პოლიტიკური ვეტო უფრო, ვიდრე სამართლებრივი". - ნათქვამია განცხადებაში.

შეგახსენებთ, რომ ორ დღეში უნდა გახდეს ცნობილი ევროპარლამენტის საბოლოო გადაწყვეტილება საქართველოს ევროკავშირის სტატუსზე.