რუსეთისთვის ტერიტორიის დათმობა იგივე „თავისუფლების დათმობა“ იქნება, ეს არ დაასრულებს პრეზიდენტ ვლადიმერ პუტინის შემოჭრას,- ამის შესახებ უკრაინის პირველმა ლედიმ ოლენა ზელენსკამ ABC News-თან ინტერვიუში განაცხადა.

ზელენსკამ გაიმეორა ქმრის პოზიცია, რომ დონბასის რეგიონი - სადაც რუსეთი ახლა კონცენტრირებულია შეტევაზე - ისევ უკრაინული იქნება.

„უკრაინელები ნორმალურად ვერ იღებენ ყველა იმ განცხადებას, რომელსაც ჩვენ ხანდახან ვისმენთ ქვეყნების ლიდერებისგან - ზოგიერთ შემთხვევაში დიდი და გავლენიანი ქვეყნების ლიდერებისგან. თქვენ არ შეგიძლიათ უბრალოდ დათმოთ თქვენი ტერიტორიის ნაწილები, ეს თავისუფლების დათმობას ჰგავს“, - განაცხადა ზელენსკამ.

გარდა ამისა, ზელენსკამ ასევე აღნიშნა, რომ იმ შემთვევაში თუ უკრაინა ტერიტორიებს დათმობს , აგრესორი ამაზე არ გაჩერდება.

„მაშინაც კი, თუ ჩვენ დავთმობთ ჩვენს ტერიტორიებს, აგრესორი ამაზე არ გაჩერდება, ის გააგრძელებს ზეწოლას, ის გააგრძელებს  უფრო და უფრო მეტი თავდასხმების განხორციელებას ჩვენს ტერიტორიებზე“, - დასძინა ზელენსკამ.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს