გერმანია უკრაინას 1 მილიარდ ევროს აძლევს, რუსეთი კი დღეში 2 მილიარდს, - ამის შესახებ უკრაინის პრეზიდენტის აპარატის უფროსის მრჩეველმა ოლექსი არესტოვიჩმა განაცხადა.

მისი თქმით, რუსეთის ფედერაციის წინააღმდეგ დაწესებული სანქციების კუთხით, დროა „ყველაფერი მოიჭრას“.

"პრეზიდენტმა დღეს და ოფისის ხელმძღვანელმა, როგორც მისმა პოლიტიკურმა მრჩეველმა, შეაფასეს. უკრაინისთვის მეხუთე და მეექვსე პაკეტებს შორის 50 დღე მიუღებელია. ეს ბევრია. შოლცი ამაყად ამბობს: "ჩვენ გამოვყავით 1 მილიარდი ევრო უკრაინსთვის." ერთ დღეში რუსეთის ფედერაცია ნავთობიდან და გაზიდან 2 მილიარდს შოულობს, 50 დღე კი, უხეშად რომ ვთქვათ, 100 მილიარდია", - განაცხადა არესტოვიჩმა.

მან ასევე აღნიშნა, რომ სრულმასშტაბიანი შემოჭრის დაწყებიდან რუსეთმა 200 მილიარდ ევროზე მეტი გამოიმუშავა.

შეგახსენებთ, რომ დიდხნიანი მსჯელობის შემდეგ, ევროკავშირის ლიდერები შეთანხმდნენ, რომ სანქციების მეექვსე პაკეტში რუსეთის ნავთობზე ნაწილობრივი ემბარგო დააწესონ. ამის შესახებ გადაწყვეტილება სამიტზე მიიღეს.

ევროკავშირის საბჭოს პრეზიდენტმა შარლ მიშელმა განაცხადა, რომ შეთანხმება მოიცავს რუსეთიდან ნავთობის იმპორტის ორ მესამედზე მეტს, რაც მხოლოდ ზღვით შემოტანილ რუსულ ნავთობს გულისხმობს და იძლევა დროებით გათავისუფლებას მილსადენებით მიწოდებული იმპორტისთვის.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს