რუსმა ოკუპანტებმა დონეცკისა და ლუგანსკის ოლქებში 49 დასახლებული პუნქტი დაბომბეს.  - ამის შესახებ ინფორმაციას უკრაინის გაერთიანებული ძალები ავრცელებს.

მათივე თქმით, თავდასხმის შედეგად რუსმა სამხედრო დამნაშავეებმა დონეცკში 4 მშვიდობიანი მოქალაქე მოკლეს.

"მტერმა გაანადგურა და დააზიანა 100-მდე სამოქალაქო ობიექტი, მათ შორის: 81 სახლი, სახანძრო სადგური, ცინიატის სამშენებლო ქარხანა, არტემის ფერმის სასოფლო-სამეურნეო საწარმო, ავტოგასამართი სადგური, რეკრეაციული ცენტრი "ფლორესტა" და სხვა ობიექტები.
გაერთიანებული ძალების შემადგენლობაში შემავალი საგანგებო სიტუაციების მართვის სამსახურის ქვედანაყოფები დღეში 5 ხანძარს აქრობდნენ.
პიროტექნიკოსებმა 40 ასაფეთქებელი მოწყობილობა აღმოაჩინეს და გაანეიტრალეს". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის