საქართველო ყველა პარამეტრით იმაზე მეტად იმსახურებს კანდიდატის სტატუსს, ვიდრე უკრაინა და მოლდოვა,- ასე გამოეხმაურა „ქართული ოცნების“ თავმჯდომარე ირაკლი კობახიძე საქართველოს ევროკავშირში გაწევრიანების საკითხს.

კობახიძის თქმით, საქართველო ყველა პარამეტრით უსწრებს წინ როგორც უკრაინას, ასევე მოლდოვას.

„საქართველო ყველა პარამეტრით იმაზე მეტად იმსახურებს კანდიდატის სტატუსს, ვიდრე უკრაინა და მოლდოვა, არსებობს ძალიან მარტივი კრიტერიუმები - ეს არის როგორც სამართლის უზენაესობა და დემოკრატია, ეს არის თავისუფალი ვაჭრობის შეთანხმების შესრულება, ეს არის ეკონომიკური თანამშრომლობა, ეს არის, ზოგადად, ასოცირების შეთანხმებით გათვალისწინებული ვალდებულებების შესრულება“,- განაცხადა კობახიძემ.

შეგახსენებთ, რომ 25 მაისს საქართველოს ხელისუფლებამ ევროკავშირს მიმართა თხოვნით, რომ საქართველოსთვის ევროკავშირის წევრობის სტატუსი მიენიჭებინათ.

საქართველომ ევროკავშირის წევრობის განაცხადი 3 მარტს წარადგინა. 11 აპრილს კი ოფიციალურად გადაეცა თვითშეფასების კითხვარი. საქართველოს მთავრობამ კითხვარის პირველი, შევსებული ნაწილი ბრიუსელს 2 მაისს, ხოლო მეორე ნაწილი - 10 მაისს გაუგზავნა.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი