საქართველოს ხელისუფლება, ბიძინა ივანიშვილის მეთაურობით არის მუხრუჭი ევროპული განვითარების გზაზე, - ამის შესახებ "ნაციონალური მოძრაობის" წევრმა, რომან გოცირიძემ პარლამენტის პლენარულ სხდომაზე სიტყვით გამოსვლისას განაცხადა. 

მისი თქმით,  ქართული ოცნების" ხელისუფლების მიმართ გამოტანილია ვერდიქტი, რომლის მიხედვითაც ქართველი ხალხი სჯობია მის მთავრობას. 

"რა თქმა უნდა, საქართველოს ხალხი არ იმსახურებს სიღატაკეს, არ იმსახურებს ივანიშვილს, არ იმსახურებს არაფორმალურ მმართველობას, არ იმსახურებს კონსტიტუციის ფეხ ქვეშ გათელვას, კორუმპირებულ მოსამართლეებს, პოლიტიკურ პატიმრებს, სააკაშვილის და გვარამიას და სხვათა უსამართლოდ დაპატიმრებას და ბევრ რამეს არ იმსახურებს, მაგრამ იმსახურებს, იყოს ევროპული ოჯახის სრულუფლებიანი წევრი, მან ეს მოიპოვა სისხლითაც, მათ შორის საერთაშორისო მისიებში მონაწილეობით. საქართველოს ხელისუფლება, ბიძინა ივანიშვილის მეთაურობით არის მუხრუჭი ევროპული განვითარების გზაზე.

გუშინ, საფრანგეთის პრეზიდენტმა მიმართა საქართველოს პრეზიდენტს - „თქვენმა ქვეყანამ მხარი უნდა დაუჭიროს სანქციების ევროპულ პოლიტიკას და ხელი უნდა შეუშალოს რუსეთის მიერ მისი გვერდის ავლის მცდელობასო“, ამერიკის სახელმწიფო მდივანი მოუწოდებს საქართველოს მთავრობას, გადადგას ყველა შესაძლო ნაბიჯი უკრაინის მხარდასაჭერად და პასუხისმგებლობა დააკისროს რუსეთს სამხედრო დანაშაულებზე. 

რისი პასუხისმგებლობის დამტკიცებელი ხართ, უკრაინის პრეზიდენტს უარი უთხარით პარლამენტში გამოსვლაზე, ფაქტობრივად, არ დარჩენილა ევროპის არც ერთი პარლამენტი, სადაც ის არ იყო ნამყოფი. მთავრობის ერთი წევრი იყო უკრაინაში? ტელეფონით ესაუბრეთ თქვენს კოლეგას? 
როდის ახსენა ირაკლი ღარიბაშვილმა პუტინი? გუგლი ყველაფერს იტევს, ყველაფერი იცის. დავგუგლე, 2014 წელს - „პუტინისა და ჩვენი პრემიერის შეხვედრა შეიძლება შედგეს მომზადების მერე...“ ნეიტრალურ კონტექსტში ახსენა. რატომ არ ახსენებთ პუტინს, რუსეთი რომ ძლივს ამოგაღერღინეთ აქ. ამიტომ, როდესაც ამა თუ იმ ეპოქას აფასებენ, ყოველთვის რაღაც ხატოვანი სიტყვები რჩება მის დამახასიათებლად. 

საქართველოს დღევანდელი ეპოქის შესაფასებლად ერთი ისტორიული ფრაზაა საკმარისი, რომელიც შევა წიგნებში. აი, რა თქვა უკრაინის პრეზიდენტმა ზელენსკიმ - ქართველი ხალხი სჯობია მის მთავრობას, ეს არის ვერდიქტი, გამოტანილი ქართული ოცნების ხელისუფლების მიმართ.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი