უკრაინის წინააღმდეგ ომში რუსეთის ფედერაციის დაკარგვა „შეუძლებელია", თორემ მთელი კაცობრიობისთვის ყველაფერი „ძალიან ცუდად“ დასრულდება,- ამის შესახებ რუსული პროპაგანდისტული მედია Russia Today-ს მთავარმა რედაქტორმა, მარგარიტა სიმონიანმა ერთ-ერთი გადაცემის ეთერში განაცხადა.

სიმონიანმა კიდევ ერთხელ მიუთითა ბირთვულ ომზე, უკრაინაში წაგების შემთხვევაში. მისი თქმით, დაპირისპირება რუსეთის ფედერაციასა და დასავლეთს შორის ყოველთვის გაგრძელდება „უნდა შეეგუონ ამ ახალ ცხოვრებას“.

„მათ ყველას სჯერა, რომ ჩვენ აუცილებლად წავაგებთ და დასავლეთი აუცილებლად გაიმარჯვებს, ვერ ხვდებაიან რომ ეს შეუძლებელია. უბრალოდ შეუძლებელია, ასე არ იქნება. ეს ცუდად დასრულდება მთელი კაცობრიობისთვის, ან ჩვენ გავიმარჯვებთ. დასაკარგი აღარაფერია“- განაცხადა სიმონიანმა.

შეგახსენებთ, რომ მანამდე უკრაინის შეიარაღებული ძალების გენერალური შტაბის უფროსის ყოფილმა მოადგილე, გენერალ-ლეიტენანტმა იგორ რომანენკომ აღნიშნა, რომრუსეთის დიქტატორი მზად არის უკრაინაში ბირთვული და ქიმიური იარაღი გამოიყენოს.

მანამდე რუსეთის საგარეო საქმეთა მინისტრმა სერგეი ლავროვმა ირიბად მიანიშნა, რომ რუსეთს მომავალში უკრაინის წინააღმდეგ ბირთვული იარაღის გამოყენება შეუძლია. ხოლო რუსეთის უშიშროების საბჭოს თავმჯდომარის მოადგილე დიმიტრი მედვედევი დასავლეთის ქვეყნებს ბირთვული ომით დაემუქრა.

ავტორი: ექსპრესნიუსი,

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა