21 მაისს თბილისში, საზოგადოებრივ ტრანსპორტში ქმარმა ახალგაზრდა ქალი შვილების თვალწინ მოკლა, რის შედეგადაც ის ადგილზე გარდაიცვალა.

ქმრის სისასტიკით დაღუპული ქალი 27 წლის სოფო კვარაცხელიაა, რომლის ცხედარი ზუგდიდში უკვე გადაასვენეს. 

სოფო კვარაცხელიას და მის მეუღლეს 2 შვილი ჰყავთ. ოჯახი სამეგრელოდან თბილისში საცხოვრებლად მცირეწლოვანი შვილის ჯანმრთელობის მდგომარეობის გაუარესების გამო გადავიდა.

მომხდარი შემთხვევის შემდეგ, გოგოს დედა ინფარქტით საავადმყოფოში გადაიყვანეს და მისი მდგომარეობა მძიმეა.

გარდაცვლილის ახლობლები ყვებიან, რომ ცოლის მკვლელობის გამო დაკავებულ ქმარს ფსიქოლოგიური პრობლემები ჰქონდა და ფსიქოტროპულ პრეპარატებსაც იღებდა, თუმცა არა ექიმის დანიშნულებით.

რაც შეეხება თავად დაკავებულის პოზიციას, როგორც მისი ადვოკატი აცხადებს, 
ბრალდებული „ფაქტებს ვერ იხსენებს, გაოგნებულია მომხდარით, სინანულშია და რა მოხდა ჯერჯერობით, ამის აღდგენა უჭირს“. 

დანაშაული 13-დან 17 წლამდე ვადით თავისუფლების აღკვეთას ითვალისწინებს.

მომხდარ ტრაგედიასთან დაკავშირებით, დღეს, ზუგდიდში ფემიციდის წინააღმდეგ აქცია-პერფომანსი გაიმართება. ორგანიზატორთა განცხადებით, ისინი სწორედ ქალთა მკვლელობების სასტიკი სერიების წინააღმდეგ გამოვლენ, სიცოცხლის ფუნდამენტური და ხელშეუვალი უფლების დასაცავად.

აქცია ზუგდიდის გარდა თბილისსა და ბათუმშიც გაიმართება.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა