რუს ოკუპანტებს მასიურად გამოჰყავთ კაცები დაბომბილი მარიუპოლიდან, იძულებით ათავსებენ ფილტრაციის ბანაკებში და ე.წ.დონეცკის არმიაში მობილიზებისთვის ამზადებენ. ამის შესახებ მარიუპოლის მერის მრჩეველმა პეტრ ანდრიუშჩენკომ განაცხადა. 

მისი თქმით, რუსებს მარიუპოლიდან მამაკაცები ფილტრაციის ბანაკებში მიჰყავთ, მაგრამ ხუთი კვირის განმავლობაში ქალაქის არც ერთი მცხოვრები არ დაბრუნებულა. ამავდროულად, ბანაკებში დამპყრობლები ახორციელებენ ფსიქოლოგიურ ზეწოლას, ცდილობენ თავიანთი ტყვეების მორალურად გატეხვას.

„ბოლო ორი კვირის განმავლობაში, ფილტრაციის ბანაკებში ადამიანების რაოდენობა ნოვოაზოვსკის რაიონში, ბეზიმიანოსა და კაზაცკის ოლქში, 2 ათასი კაციდან 3-4 ათასამდე გაიზარდა“, - ნათქვამია მოხსენებაში.

ცნობისთვის, დონეცკისა და ლუგანსკის რეგიონების დროებით ოკუპირებულ ტერიტორიაზე რუსმა დამპყრობლებმა შექმნეს ე.წ ფილტრაციის ბანაკები, რომლებშიც ოკუპირებული დასახლებებიდან უკანონოდ გამოყვანილი ადამიანები გადიან. 

უკრაინის უმაღლესი რადას ადამიანის უფლებათა კომისრის, ლუდმილა დენისოვას თქმით, რუსმა დამპყრობლებმა დროებით ოკუპირებულ უკრაინის ყველა ქალაქში  „ფილტრაციის“ პროცედურა შემოიღეს . 

გარდა ამისა, რუსი დამპყრობლები იმუქრებიან, რომ უკრაინის წინააღმდეგ საბრძოლველად ე.წ დონეცკის „სახალხო რესპუბლიკის“ „არმიაში“ გაგზავნიან.

ოკუპანტებმა ასევე დაავალეს ქალაქში 18-დან 50 წლამდე მამაკაცების აღწერის ჩატარება, თითქოსდა „ნანგრევების გასაწმენდად შრომითი რეზერვის“ შესაქმნელად.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის