ფინეთის პარლამენტმა მხარი დაუჭირა ქვეყნის ჩრდილოატლანტიკურ ალიანსში შესვლას. ფინელმა პარლამენტარებმა მსგავს გადაწყვეტილებას თითქმის ერთხმად დაუჭირეს მხარი. ამის შესახებ ინფორმაციას ფინეთის პარლამენტი ავრცელებს.

განცხადების თანახმად, 200 ხმიდან 188-მა მხარი დაუჭირა ფინეთის განცხადებას ნატო-ში გაწევრიანების შესახებ.

პროცედურის მიხედვით, გადაწყვეტილება ფინეთის ნატო-ში გაწევრიანების შესახებ ქვეყნის მთავრობამ უნდა განიხილოს. ამის შემდეგ საბოლოო გადაწყვეტილებას ქვეყნის პრეზიდენტი საულე ნინოსტე მიიღებს.

გარდა ამისა, ფინეთის ნატო-ში გაწევრიანების საპარლამენტო განხილვა 16 მაისიდან გაგრძელდა. შემდეგ 14 საათის განმავლობაში დეპუტატებმა 212 გამოსვლა მოისმინეს.

შეგახსენებთ, რომ თურქეთი ფინეთისა და შვედეთის ნატოში შესვლას ეწინააღმდეგებოდა ქურთისტანის მუშათა პარტიის მხარდაჭერის გამო - ანკარა მას ტერორისტულ ორგანიზაციად მიიჩნევს.

თავის მხრივ, ნატო-ს გენერალურმა მდივანმა სტოლტენბერგმა გამოაცხადა ფინეთისა და შვედეთის ალიანსში შესვლის თაობაზე თურქეთთან კომპრომისის სწრაფი პოვნის შესაძლებლობა და აღნიშნა, რომ ანკარა არ აპირებს პროცესის დაბლოკვას.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს