კრამატოსრკის მერის ალექსანდრ გონჩერენკოს ინფორმაციით, ოკუპანტების მიერ კრამატორსკში, რკინიგზის სადგურზე განხორციელებული ავიაიერიშის შედეგად დაღუპულთა რიცხვი 48-მდე გაიზარდა, მათ შორის 5 ბავშვია. 

მისივე თქმით, დაშავდა 98 ადამიანი, რომელთაგანაც 46 ქალი, 36 კი მამაკაცია. ამასთანავე, დაშავებულთა შორისაა 16 ბავშვი. 

ცნობისთვის, რუსმა ოკუპანტებმა კრამატორსკში რკინიგზის სადგური მაშინ დაბომბეს, როცა ასობით ადამიანი გაქცევას ცდილობდა. დონეცკის ოლქის გუბერნატორი პაველ კირილენკო აცხადებს, რომ დარტყმა რუსული რაკეტით ისკანდერით განხორციელდა.

რუსეთის თავდაცვის სამინისტრო კრემატორსკში, რკინიგზის სადგურზე სარაკეტო თავდასხმას უარყოფს.

„კიევის ნაციონალისტური რეჟიმის წარმომადგენლების ყველა განცხადება 8 აპრილს რუსეთის სავარაუდო „სარაკეტო თავდასხმის“ შესახებ ქალაქ კრამატორსკში რკინიგზის სადგურზე არის პროვოკაცია და აბსოლუტურად არ შეესაბამება სიმართლეს, რუსეთის შეიარაღებულ ძალებს 8 აპრილს ქალაქ კრამატორსკში საცეცხლე მისიები არ ჰქონიათ და არც იყო დაგეგმილი“, - აცხადებენ თავდაცვის სამინისტროში

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა