2022-03-25 13:12:01, 833 ნახვა

---

მერაბ ჯერანაშვილი - საპროკურორო საბჭოს თითოეული წევრი ორიენტირებულია საბჭოს მიერ მიღებული გადაწყვეტილება დადებითად აისახოს პროკურორის თუ გამომძიებლის საქმიანობაზე

მას შემდეგ, რაც საქართველოს პროკურატურამ მოიპოვა კონსტიტუციური დამოუკიდებლობა და ფაქტობრივად დამოუკიდებლად, გამჭვირვალედ და სამართლიანობის პრინციპით განაგრძობს საქმიანობას, ასეთ დროს განსაკუთრებით მნიშვნელოვანია საპროკურორო საბჭოს როლი, რადგან თითოეული ჩვენგანი პასუხისმგებელი და ანგარიშვალდებული ვართ პროკურატურის წინაშე და ჩვენმა არჩევანმა უნდა განაპირობოს პროკურატურის განვითარების შემდგომი ოთხი წელი, - ამის შესახებ საპროკურორო საბჭოს თავმჯდომარემ მერაბ ჯერანაშვილმა საქართველოს პროკურორთა კონფერენციაზე განაცხადა.

მერაბ ჯერანაშვილის თქმით, საქართველოს კონსტიტუციის მიხედვით, საპროკურორო საბჭო სწორედ პროკურატურის დამოუკიდებლობის, გამჭვირვალობის და ეფექტიანობის უზრუნველსაყოფად შეიქმნა და მისი განცხადებით, საბჭო ამ ვალდებულებას ღირსეულად ასრულებს.

როგორც საპროკურორო საბჭოს თავმჯდომარემ აღნიშნა, გენერალური პროკურორი საპროკურორო საბჭოს 6 თვეში ერთხელ პროკურატურის საქმიანობის ანგარიშს წარუდგენს, რაც არის ღია, გამჭვირვალე პროცესი და საპროკურორო საბჭოს ფეისბუქის ოფიციალურ გვერდზე ლაივ სტრიმის საშუალებით გადაიცემა.  „არ რჩება არცერთი პასუხგაუცემელი კითხვა, რომელსაც სვამენ საბჭოს წევრები. საბჭოს მიერ გაცემული რეკომენდაციები ფაქტობრივად ასი პროცენტით შესრულებულია გენერალური პროკურორის მიერ" - აღნიშნა მერაბ ჯერანაშვილმა.

მისივე თქმით, საპროკურორო საბჭოს თითოეული წევრი ორიენტირებულია, საბჭოს მიერ მიღებული გადაწყვეტილება დადებითად აისახოს პროკურორის თუ გამომძიებლის საქმიანობაზე.

მერაბ ჯერანაშვილმა, ასევე, მადლობა გადაუხადა კონფერენციის მონაწილეებს და საპროკურორო საბჭოს წევრობის კანდიდატებს წარმატებები უსურვა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი