რუსეთის ფედერაციის პრეზიდენტის, ვლადიმერ პუტინის განაცხადებით, რუსეთი დონეცკისა და ლუგანსკის ოლქების საზღვრებს იმ ფარგლებში აღიარებს, რომლებიც სეპარატისტებს თავიანთ დე-ფაქტო კონსტიტუციაში აქვთ გაწერილი.

ეს აღნიშნული კი, ნიშნავს იმას, რომ რუსეთი დონეცკისა და ლუგანსკის ოლქების დამოუკიდებლობას იმ ნაწილებშიც აღიარებს, რომლებსაც ამჟამად, უკრაინა აკონტროლებს.

„რა საზღვრებში ვაღიარებთ ამ რესპუბლიკებს? ჩვენ ხომ ისინი ვაღიარეთ, ეს იმას ნიშნავს, რომ ჩვენ ვაღიარეთ მათი ყველა ფუნდამენტური დოკუმენტი, მათ შორის კონსტიტუციაც. კონსტიტუციაში კი გაწერილია დონეცკისა და ლუგანსკის ოლქების საზღვრები იმ ფარგლებში, რაც მათ ჰქონდათ უკრაინის ნაწილად ყოფნის დროს. თუმცა, მინდა, ხაზი გავუსვა, რომ ჩვენ იმედი გვაქვს, რომ ყველა სადაო კითხვა გადაიჭრება კიევის დღევანდელ ხელისუფლებასა და ამ რესპუბლიკების ხელმძღვანელებს შორის მოლაპარაკებების ფარგლებში“, - ამის შესახებ ჟურნალისტებთან საუბრის დროს ვლადიმერ პუტინმა აღნიშნა.

ავტორი: ექსპრესნიუსი,

სოციალური ქსელები

აშშ-ის კონგრესმა ტრამპის შვილის ბარონის დაკითხვა მოითხოვა

აშშ-ის განცხადებით, ირანის საზღვაო ბლოკადა გრძელდება

საქართველოს განათლების სამინისტრომ სკოლის ფორმების ფასები დაამტკიცა

ევროკავშირმა სანქციები დააწესა რუსულ „ინტერ რაოზე“, რომელიც ირიბად ფლობს ენერგეტიკულ აქტივებს საქართველოში