2022-02-17 14:26:19, 601 ნახვა

---

მამუკა მდინარაძე - რუსთავის მაჟორიტარი დეპუტატობის კანდიდატად დამნაშავედ ცნობილი ადამიანის დაყენება ამომრჩეველის შეურაცხყოფაა

რუსთავის მაჟორიტარი დეპუტატობის კანდიდატად დამნაშავედ ცნობილი ადამიანის დაყენება კონკრეტული მუნიციპალიტეტის ამომრჩეველის შეურაცხყოფაა. - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ბადრი ჯაფარიძის რუსთავის მაჟორიტარი დეპუტატობის კანდიდატად დაყენებასთან დავაკშირებით განაცხადა.

ამასთან, მდინარაძე ხაზს უსვამს იმას, რომ ჯაფარიძე  „ნაცმოძრაობის“ კანდიდატია.

 „ბადრი ჯაფარიძის დაყენება ჩვენი კანდიდატის კონკურენტ კანდიდატად, მათთვის პრაგმატულადაც კი ძალიან წამგებიანია. იქიდან გამომდინარე, რომ ადამიანი დამნაშავედ ცნეს და ამის შემდეგ შესთავაზეს ის კანდიდატად გარდაბნელებს და რუსთაველებს. გახსოვთ ალბათ, რამდენ რაიონში დააყენეს მათ დამნაშავე კანდიდატები, არა ჩვენი შეფასებით, არამედ სასამართლოს მიერ კანონიერ ძალაში შესული განაჩენით. ისინი პერმანენტულად აყენებენ ხოლმე დამნაშავე კანდიდატებს, რითაც შეურაცხყოფას აყენებენ იმ კონკრეტული მუნიციპალიტეტის ხალხს, ამომრჩეველს და საზოგადოებას. პირდაპირ შეგვიძლია ვთქვათ და წარმოვიდგინოთ, რომ ბადრი ჯაფარიძე იქნება „ნაცმოძრაობის“ კანდიდატი“ - განაცხადა მამუკა მდინარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი