ჯანდაცვის მინისტრის მოადგილე თამარ გაბუნია აცხადებს, რომ საქართველოში „ომიკრონის“ შტამის გავრცელებასთან ერთად, მოსალოდნელია შემთხვევების მატება და საწოლებზე მოთხოვნის გაზრდა.

როგორც გაბუნიამ საკოორდინაციო საბჭოს დასრულების შემდეგ, ბრიფინგზე განაცხადა, სამედიცინო სექტორში, ამ დროისთვის, 9 112 საწოლია მობილიზებული.

„საკოორდინაციო საბჭოს დღევანდელი სხდომის მთავარი თემა, ბუნებრივია, გახდა მზადება „ომიკრონის“ მოსალოდნელი გავრცელებისთვის პრევენციული ღონისძიებებისა და ასევე, ჯანდაცვის სისტემის მზაობის თაობაზე. დღევანდელი მდგომარეობით, სამედიცინო სექტორში მობილიზებული რჩება 9112 საწოლი. კლინიკაში ამჟამად იმყოფება 5 488 პაციენტი, ინტენსიური თერაპიის განყოფილებაში - 1350, რეანიმაციაში - 313. თავისუფალი საწოლების რაოდენობა შეადგენს 3227, რაც არის, დაახლოებით, 30% მობილიზებული საწოლფონდის. ამ შემთხვევაში, ჩვენ, ბუნებრივია, კვლავაც ვრჩებით მობილიზებულ მდგომარეობაში, რადგან „ომიკრონის“ გავრცელებასთან ერთად კვლავაც მოსალოდნელია შემთხვევების მატება და საწოლებზე მოთხოვნების გაზრდა, ამდენად კლინიკები უნდა დარჩნენ მობილიზებულ მდგომარეობაში იანვრის თვეშიც,“- განაცხადა გაბუნიამ.

მინისტრის მოადგილემ დასძინა, რომ ვაქცინაციის პროცესი აქტიურად გრძელდება და 60–წლის ზემოთ პირებში, ფინანსური წახალისების მექანიზმი, საკმაოდ ეფექტურია.

„ვაქცინაციის პროცესი აქტიურად გრძელდება, კარგია, რომ 60–წლის ზემოთ პირებში, ფინანსური წახალისების მექანიზმი აღმოჩნდა საკმაოდ ეფექტური – 100 000 გადააჭარბა იმ პირთა რაოდენობამ, რომლებმაც ჩაიტარეს პირველი აცრა, აქციის ფარგლებში, რაც გრძელდება წლის ბოლომდე და უკვე მათი 50% მოვიდა, რათა ჩაიტარონ მეორე აცრა“, – დასძინა გაბუნიამ.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა