2021-12-14 15:38:50, 657 ნახვა

---

გრიგოლ ვაშაძე: სულელური სიტყვა - შერიგება, გეგონება ბავშვები თამაშობენ, ერთმანეთს დასცხეს და დედებმა უნდა შეარიგონ

კატეგორიულად არ მომწონს, სულელური სიტყვა – შერიგება. გეგონება, ქვიშის ორმოში ბავშვები თამაშობენ, ფორმები ვერ გაიყვეს, ერთმანეთს დასცხეს და ახლა დედებმა უნდა შეარიგონ.- ამის შესახებ გრიგოლ ვაშაძემ "ეროვნულ შერიგებასთან" დაკავშირებით განაცხადა.

მისივე  თქმით, ყველაზე დიდი პასუხისმგებლობა ხელისუფლებას აქვს.

"კატეგორიულად არ მომწონს, სულელური სიტყვა - შერიგება. გეგონება, ქვიშის ორმოში ბავშვები თამაშობენ, ფორმები ვერ გაიყვეს, ერთმანეთს დასცხეს და ახლა დედებმა უნდა შეარიგონ. რა შერიგება, რის შერიგება? - მარტივია, ჩვენ ცხოვრება უნდა დავიწყოთ კონსტიტუციისა და კანონმდებლობის შესაბამისად, წერტილი. თუ ცხოვრებას კონსტიტუციისა და კანონმდებლობის შესაბამისად დავიწყებთ, ყველაფერი გასაგები იქნება. ასე მთელი სახელმწიფო არ ცხოვრობს. ყველაზე დიდი პასუხისმგებლობა ზუსტად ხელისუფლებას აქვს. რა თქმა უნდა, ოპოზიციასაც. შარლ მიშელის დოკუმენტი აიღეთ და ნახავთ. ისეთი კარგია დამოუკიდებელ დეპუტატად ყოფნა, როცა პარტიული მესიჯბოქსი კისერზე აღარ გაწევს და შეგიძლია, სიმართლეზე სიმართლე ილაპარაკო." - განაცხადა დეპუტატმა გრიგოლ ვაშაძემ "საზოგადოებრივ მაუწყებელთან". 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი