სუდანის სამხედრო ძალებმა გადარმავალი მთავრობა დაშალეს, პოლიტიკური ლიდერები დააკავეს და ქვეყანაში საგანგებო მდგომარეობა გამოაცხადეს.

გენერალმა აბდელ ფაფა ბურჰანი, რომელიც ხელმძღვანელობდა ერთობლივ  სამოქალაქო საბჭოს, მომხდარის მიზეზად ორ მხარეს სრის პოლიტიკური დაძაბულობა დაასახელა.

სატელევიზიო გამოსვლაში მან თქვა, რომ პოლიტიკოსებს შორის დაპირისპირება, ამბიციებმა და ძალადობის წახალისებამ აიძულა, ემოქმედა და დაეცვა ქვეყანა და "რევოლუციის კურსი გაესწორებინა". გენერლის თქმით, სუდანი დარჩებოდა საერთაშორისო შეთანხმების ერთგული და გადავიდოდა სამოქალაქო მმართველობაზე 2023 წელის ივლისში დაგეგმილი არჩევნებით.

სამხედრო და სამოქალაქო ლიდერები უთანხმოებაში არიან მას შემდეგ, რაც ორი წლის წინ ხანგრძლივი მმართველი ომარ ალ-ბაშირი ჩამოაგდეს და გარდამავალი მთავრობა შეიქმნა.

დაკავებულ ლიდერებს შორის არის პრემიერმინისტრი აბდალა ჰამდოკი. ის შინა პატიმრობაშია. აბდოკთან ერთად დააკავეს მისი კაბინეტის რამდენიმე წევრი და სხვა სამოქალაქო ლიდერები. ინფორმაციის სამინისტროს განცხადების თანახმად, დაკავებულები უცნობ ლოკაციაზე არიან და სამხედროები პრემიერმინისტრისგან სახელმწიფო გადატრიალების მხარდაჭერას ითხოვდნენ.

დედაქალაქ ხართუმში საპროტესტო აქციები იმართება. მოქალაქეები სამხედრო გადატრიალებას აპროტესტებენ. ვრცელდება ცეცხლსასროლი იარაღის გამოყენების და სროლის ცნობები. თვითმხილველთა თქმით, გათიშულია ინტერნეტი და ქალაქში მობილიზებულია შეიარაღებული დაჯგუფებები. ხართუმის აეროპორტი დახურულია და საერთაშორისო ფრენები გაუქმებულია.

თვითმხილველთა თქმით, გათიშულია ინტერნეტი და ქალაქში მობილიზებულია შეიარაღებული დაჯგუფებები. ხართუმის აეროპორტი დახურულია და საერთაშორისო ფრენები გაუქმებულია.

სუდანის და სამხრეთ სუდანში დიდი ბრიტანეთის საგანგებო წარმომადგენლის რობერ ფეარვეზერის თქმით სამოქალაქო ლიდერების დაკავება "რევოლუციის, გარდამავალი პერიოდის და სუდანელი ხალხის ღალატია". ქვეყანაში მიმდინარე მოვლენებთან დაკავშირებით შეშფოთება გამოხატეს აშშ-მ, გაერომ, ევროკავშირმა და არაბულმა ლიგამ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს