ევროპარლამენტმა რუს ოპოზიციონერს ალექსეი ნავალნის სახაროვის სახელობის პრემია გადასცა.  ეს ევროკავშირის უმაღლესი პრიზია.

"ის დაუღალავად იბრძოდა ვლადიმერ პუტინის რეჟიმის კორუფციის წინააღმდეგ. ეს მას თავისუფლება და თითქმის სიცოცხლე დაუჯდა. დღევანდელი პრიზი აღიარებს მის უზარმაზარ სიმამაცეს და ჩვენ კიდევ ერთხელ ვიმეორებთ ჩვენს მოწოდებას და მოვითოხოვთ მის დაუყოვნებლივ გათავისუფლებას ", - განაცხადა ევროპარლამენტის პრეზიდენტმა დავიდ სასოლიმ Twitter- ზე.

როგორც ნავალნის მიერ დაფუძნებული კორუფციასთან ბრძოლის ფონდის „ტვიტერზე“ წერია ეს არის პრემია არა მხოლდო ნავალნისთვის, არამედ მთლიანად მათი გუნდისთვის.

"სახაროვის პრემია, რა თქმა უნდა, ასევე არის პრემია ყველა ჩვენგანისთვის. ყველა არაგულგრილ ადამიანს, რომლებიც ყველაზე ბნელ პერიოდში არ შეშინებულან სიმართლე ესაუბრათ. ყოველდღიურად ჩვენ უფრო მეტნი ვართ და ჩვენ ყველანი გავიმარჯვებთ", - წერია ნავალნის მიერ დაფუძნებული კორუფციასთან ბრძოლის ფონდის ტვიტერზე.

საბჭოთა მეცნიერისა და დისიდენტის ანდრეი სახაროვის სახელობის საპატიო ჯილდო 1988 წლიდან ადამიანის უფლებადამცველ აქტივისტებსა და დისიდენტებს გადაეცემათ. საერთაშორისო პრემიის მფლობელს ფულადი ჯილდოს სახით 50 ათასი ევრო გადაეცემა.

ალექსეი ნავალნი იანვარში რუსეთში დაბრუნებისას, აეროპორტში დააკავეს. ოპოზიციონერი პოლიტიკოსი გერმანიიდან ბრუნდებოდა, სადაც ის 2020 წლის მოწამლვის შემდეგ მკურნალობდა. 2 თებერვალს მოსკოვის რაიონულმა სასამართლომ ალექსეი ნავალნის ე.წ. „ივ როშეს“ საქმეზე თაღლითობის ბრალდებით შეფარდებული პირობითი სასჯელი რეალური პატიმრობით შეუცვალა და 2,5 წლის ვადით პატიმრობა მიუსაჯა სასჯელის საერთო რეჟიმის კოლონიაში მოხდით.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს