რუსთავის ციხესთან „ნაციონალური მოძრაობის“ და მათი მხარდამჭერების აქცია დასრულდა

2021-10-04 18:05:46, 682 ნახვა

პოლიტიკა

რუსთავის მე-12 სასჯელაღსრულების დაწესებულებასთანყოფილი პრეზიდენტის მიხეილ სააკაშვილის მხარდამჭერი აქცია დასრულდა.

ოპოზიციის წარმომადგენლები, აქტივისტები და მხარდამჭერები რუსთავის ციხესთან, მესამე პრეზიდენტის გათავისუფლების მოთხოვნით 15:00 საათზე შეიკრიბნენ.

აქციაზე დამონტაჟებული იყო სცენა, საიდანაც პარტიის ლიდერები სიტყვით მიმართავდნენ აქციაზე მყოფ მოქალაქეებს. მათი განცხადებით, მიხეილ სააკაშვილი პოლიტიკური პატიმარია.

აქციის შეუერთდნენ "ერთიანი ნაციონალური მოძრაობის" მხარდამჭერები რეგიონებიდანაც.

რუსთავის ციხესთან პოლიციია იყო მობილიზებული.

აქციის მონაწილეები საპროტესტო აქციებს მომდევნო დღეებშიც აანონსებენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,