2021-10-01 11:42:01, 661 ნახვა

---

უდუმაშვილი სააკაშვილზე: როგორ შემოვიდა, როდის ჩამოვიდა, მნიშვნელობა არ აქვს - მთავარია საქართველოშია

როგორ შემოვიდა, როდის ჩამოვიდა საქართველოში, არანაირი მნიშვნელობა არ აქვს, მთავარია აქ არის, - ასე ეხმაურება „ნაციონალური მოძრაობის“ წევრი ზაალ უდუმაშვილი საქართველოს მესამე პრეზიდენტის, მიხეილ სააკაშვილის ინფორმაციას, რომ ის საქართველოშია.

 „გულწრფელა გეტყვით, კომუნიკაცია ამის შესახებ სააკაშვილთან არ მქონია. მეც დილით შევიტყვე, „ფეისბუქის“ მეშვეობით, რომ მიხეილ სააკაშვილი საქართველოშია. როგორ შემოვიდა, როდის ჩამოვიდა საქართველოში, ამას არანაირი მნიშვნელობა არ აქვს, მტავარია, რომ საქართველოშია და მთავარია, რომ მისი საქართველოში ყოფნა დიდ როლს შეასრულებს“, - განაცხადა უდუმაშვილმა.

უდუმაშვილი შსს-ს განცხადებასაც გამოეხმაურა, სადაც წერია, რომ სააკაშვილს საზღვარი არ გადმოუკვეთავს და აღნიშნა, რომ ის მიხეილ სააკაშვილს უფრო ენდობა.

„მე ვამბობ, იმაზე დაყრდნობით, რა ინფორმაციაც ვრცელდება და რასაც ავრცელებს მიხეილ სააკაშვილი და მე უფრო დიდი მიზეზი მაქვს ვენდო მიხეილ სააკაშვილს და არა შსს-ს მიერ გავრეცლებულ განცადებას“, - დასძინა მან.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი