საფრანგეთი აცხადებს, რომ ბაიდენი ისე მოიქცა, როგორც  მისი წინამორბედი დონადლ ტრამპი, როცა მან ავსტრალიასთან დადებული თავდაცვის ხელშეკრულება ჩაშალა.- ინფორმაციას  „Reuters”-ი ავრცელებს.

სააგენტოს ცნობით, ხელშეკრულება შეეხება ავსტრალიის მხრიდან ფრანგული წყალქვეშა ნავების შესყიდვას.

შეერთებულმა შტატებმა, ბრიტანეთმა და ავსტრალიამ განაცხადეს, რომ მათი პარტნიორობა დაამყარებს უსაფრთხობას ინდო-წყნარი ოკეანეში, რაც ავსტრალიას დაეხმარება შეიძინოს აშშ-ს ბირთვული წყალქვეშა ნავები და გააუქმოს ფრანგული წყალქვეშა ნავების 40 მილიარდი დოლარის გარიგება.

”ეს, ცალმხრივი და არაპროგნოზირებადი გადაწყვეტილებაა , რომელიც  მახსენებს იმას, რასაც ბატონი ტრამპი აკეთებდა, მე ძალიან გაბრაზებული ვარ”,-განუცხადა საგარეო საქმეთა მინისტრმა ჟან-ივ ლე დრიანმა რადიო franceinfo- ს.

2016 წელს ავსტრალიამ შეარჩია ფრანგული გემთმშენებლის „Naval Group“, რომ ააშენოს 40 მილიარდი დოლარის ღირებულების, ახალი წყალქვეშა ფლოტი.

ორი კვირის წინ ავსტრალიის თავდაცვისა და საგარეო საქმეთა მინისტრებმა კიდევ ერთხელ დაადასტურეს შეთანხმება საფრანგეთთან, ხოლო საფრანგეთის პრეზიდენტმა ემანუელ მაკრონმა შეაქო  მომავალი თანამშრომლობა.

ტრამპსა და მაკრონს შორის ურთიერთობა დაიძაბა ტრამპის პრეზიდენტობის დროს. ბოლო თვეების განმავლობაში  დიპლომატების მხირადან იყო შეშფოთება იმის შესახებ, რომ ბაიდენი არ იყო გულწრფელი  ევროპელ მოკავშირეებთან.

ვაშინგტონის ქმედებები ავსტრალიაში, სავარაუდოდ, კიდევ უფრო დაძაბავს ტრანსატლანტიკურ კავშირებს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს