არ ველოდებით, რომ მე-5 ტალღა ისეთივე მძიმე და სერიოზული იქნება, როგორიც მე-4, მაგრამ მოსალოდნელია, შემოდგომაზე ინფიცირებულთა რაოდენობის მომატება აღინიშნოს. - ამის შესახებ "იაშვილის სახელობის ბავშვთა ცენტრალური საავადმყოფოს" დირექტორმა ივანე ჩხაიძემ განაცხადა.

მისი თქმით, ქვეყნისთვის დამანგრეველი ტალღის ერთადერთი  პირობა იქნება თუ ახალი მუტაცია გამოჩნდება.

„ქვეყნისათვის მართლაც დამანგრეველი ტალღის ერთადერთი პირობა იქნება თუ ახალი მუტაცია გამოჩნდება. „დელტა ვარიანტის“ „მაქსიმალური“ შესაძლებლობები გამოვლენილია: 17 აგვისტოს 6 208 შემთხვევა გვქონდა. ეს პიკი იყო და შესაბამისად ინფიცირებულთა რაოდენობა თანდათან მცირდება.

მეხუთე ტალღა შესაძლებელია, იყოს ქვეყანაში, მაგრამ ამის უკან იდგება, ალბათ, არა ახალი მუტაცია, არამედ ის ფაქტორი, რაც შემოდგომა-ზამთრის სეზონთანა დაკავშირებული, ანუ აცივება, რაც, ავტომატურად, იწვევს მეტი ადამიანის თავმოყრას დახურულ სივრცეში. ეს ინფექციის გადაცემას აიოლებს.

არ ველოდებით, რომ მე-5 ტალღა ისეთივე მძიმე და სერიოზული იქნება, როგორიც მე-4, მაგრამ მოსალოდნელია, შემოდგომაზე ინფიცირებულთა რაოდენობის მომატება აღინიშნოს. მთავარია, კორონავირუსის საწინააღმდეგო ვაქცინაციის მაღალი ტემპი შევინარჩუნოთ“, - განაცხადა ივანე ჩხაიძემ.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს