საქართველოს ბანკი ბიზნესის მხარდაჭერას აგრძელებს. ამჯერად ბანკის ფინანსური ჩართულობით ქობულეთში, დაბა ოჩხამურში, 17ჰა-ზე მოცვის პლანტაციები გაშენდა. პროექტის ჯამური ინვესტიცია 1.100.000 ლარია. ბანკის მიერ განხორციელებული ინვესტიცია კი - 473.500 ლარს შეადგენს.  ბიზნესისთვის გამოყოფილი ფინანსური რესურსი მოცვის ნერგების შეძენა/გაშენებასა და სამაცივრე მეურნეობის მოწყობას მოხმარდა.  კოოპერატივს განხორციელებული ინვესტიციის შედეგად 40 ტონამდე მოსავალი მოყავს, რომლის რეალიზაციასაც როგორც ადგილობრივ ბაზარზე, ისე საზღვარგარეთ ახდენს. მოცვზე გაზრდილი მოთხოვნის გამო კოოპერატივი სამაცივრე მეურნეობის კიდევ უფრო გაფართოებას, დამახარისხებელი და გადამამუშავებელი მოწყობილობების შეძენასა და პროდუქტის უკრაინის ბაზარზე გატანას გეგმავს.

„საქართველოს ბანკთან პარტნიორობით უკვე წარმატებულად ვახორციელებთ საქმიანობას. ვეძებთ ახალ ბაზრებს, ვქმნით ახალ სამუშაო ადგილებს. მოცვის კრეფის პერიოდში 60-დან 150-მდე ადამიანს ვასაქმებთ. იქედან გამომდინარე რომ მოსავალი წლიდან წლამდე იზრდება, იმედი გვაქვს კიდევ ბევრ ადამიანს დავასაქმებთ“,-აცხადებს კოოპერატივის წარმომადგენელი, ჯამბულ დუმბაძე.

„საქართველოს ბანკი არ ჩერდება და განაგრძობს ბიზნესის მხარდაჭერას, განსაკუთრებით კი რეგიონებში. ბანკის ჩართულობით ქობულეთში მოცვის პლანტაცია გაშენდა. კოოპერატივის წარმატებული საქმიანობის შედეგად კი საჭირო გახდა სამაცივრე მეურნეობის შექმნა და ახლა უკვე გაფართოებაც კი. მოხარული ვართ რომ პროდუქტი არამარტო საქართველოში იყიდება,  არამედ გადის ექსპორტზე უცხოეთში. ჩვენ წარმატებებს ვუსურვებთ კოოპერატივს და ვაგრძელებთ ისეთი პროექტების მხარდაჭერას, რომელიც ხელს უწყობს ეკონომიკის გაჯანსაღებას, ახალი სამუშაო ადგილების შექმნასა და რეგიონის გაძლიერებას“ , - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა.

ავტორი: R (რეკლამა),

სოციალური ქსელები

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება