პარლამენტის შენობასთან, სადაც მედიის წარმომადგენლები და სამოქალაქო აქტივისტები არიან შეკრებილი, ხმაური იყო. სამართალდამცველებმა პარლამენტთან ცოცხალი ჯაჭვი გააკეთეს. 

ადგილზე შეკრებილ მედიის წარმომადგენლებს საკანონმდებლო ორგანოში შესვლა სურდათ, სადაც დღეს შს მინისტრ ვახტანგ გომელაურს უნდა მოუსმინონ, თუმცა მათ ამის საშუალება დაცვის სამსახურმა და პოლიციამ არ მისცა. მედიის წარმომადგენლებს განუცხადეს, რომ შენობაში შესვლა კონკრეტული სიის მიხედვით ხდება.

"საშვი მაქვს და არ გვიშვებენ, იმიტომ, რომ ეშინიათ. ბრძანებაა გაცემული. დგანან და არ გვიშვებენ, მუხლიც კი არა იციან, რომლის მიხედვითაც არ გვიშვებენ. ეს კანონის დარღვევაა. პარლამენტი დაეყრდნო რაღაც მუხლს, რომელზეც ამათ [პოლიციელებს] წარმოდგენა არ აქვთ, მაგრამ თავად ასეთი გადაწყვეტილების გამოტანა ნიშნავს, რომ შეშინებულები არიან", - განაცხადა ფორმულას ტელეწამყვანმა ვახო სანაიამ.

მედიის წარმომადგენლებს საკანონმდებლო ორგანოში შესვლა და შინაგან საქმეთა მინისტრისთვის კითხვების დასმა პირისპირ სურდათ, თუმცა მათ ამის საშუალება პოლიციამ არ მისცათ.

სამართალდამცველების განცხადებით, პარლამენტის შენობაში შესვლა უსაფრთხოების რეჟიმის გამო არ არის შესაძლებელი.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს