საქართველოს მელიორაციის გენერალურმა  დირექტორმა, დავით წითლიძემ შიდა ქართლის სახელმწიფო რწმუნებულთან, ვალერიან მჭედლიძესთან სამუშაო შეხვედრა გამართა.

დავით წითლიძემ 2030 წლამდე პერიოდისთვის მელიორაციის დარგის განვითარების პერსპექტივებზე ისაუბრა და დამსწრე საზოგადოებას ამ მიმართულებით განსახორციელებელი გეგმა გააცნო.  

„საქართველოს რეგიონებში განსახორციელებელი სარწყავი ინფრასტრუქტურის მშენებლობა/რეაბილიტაცია/მოდერნიზაციის 10-წლიანი პროგრამით, 2030 წლის ბოლოს, ქვეყნის მასშტაბით წყალუზრუნველყოფილი სასოფლო-სამეურნეო მიწის ფართობი 227 000 ჰექტარზე მეტი, ხოლო დრენირებული ფართობი - 74 000 ჰექტარზე მეტი იქნება“,- განაცხადა დავით წითლიძემ.    შეხვედრაზე კასპის მუნიციპალიტეტში, თეძამის წყალსაცავის მშენებლობასა და პროექტის მნიშვნელობაზე გამახვილდა ყურადღება. აღნიშნული წყალსაცავის მოწყობით, რეგულარულად 5 000 ჰექტრამდე სასოფლო-სამეურნეო მიწის ფართობი მოირწყვება.

გლობალური დათბობისა და კლიმატური პირობების მკვეთრი ცვლილების გამო,  წყლის რესურსების სწორად და ეფექტიანად გამოყენება სულ უფრო მეტად აქტუალური ხდება. შესაბამისად, წყალსაცავებისა და საირიგაციო ინფრასტრუქტურის გამართული მუშაობის ხელშეწყობა მნიშვნელოვანი გამოწვევაა.

შიდა ქართლის სამხარეო ადმინისტრაციაში გამართულ შეხვედრაზე, რომელსაც საქართველოს მელიორაციისა და ადგილობრივი ხელისუფლების ხელმძღვანელი პირები ესწრებოდნენ ასევე განიხილეს საირიგაციო სისტემებზე არსებული მდგომარეობა და რწყვის სეზონის მიმდინარეობასთან დაკავშირებული საკითხები.   

რეგიონში უკვე განხორციელებული და დაგეგმილი სამელიორაციო ინფრასტრუქტურული პროექტების შედეგად, კიდევ უფრო გაუმჯობესდება ერთწლიანი და მრავალწლიანი კულტურების წყალუზრუნველყოფა, შესაბამისად, გაიზრდება საშუალო საჰექტარო მოსავლიანობა.

ავტორი: NS (სტატია დაფინანსებულია),

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ