ჯანდაცვის მინისტრის მოადგილის, თამარ გაბუნიას განცხადებით, პროფესიული საბჭოს გადაწყვეტილებით, 27 წლის ექთნის, მეგი ბაქრაძის გარდაცვალების საქმესთან დაკავშირებით ახალციხის კლინიკიდან ორი თანამშრომელი გათავისუფლდა.

მისივე განმარტებით, საქმე ეხება პროცედურულ დარღვევებს, რის გამოც მათ საქმიანობის განხორციელების შესაძლებლობა დროებით შეუჩერეს.

„პროცედურული დარღვევები იყო სამედიცინო დოკუმენტაციის არასწორად წარმოდგენასთან დაკავშირებით. პროფესიული საბჭოს უფლებამოსილებას სცილდება რომელიმე თანამშრომლის დანიშვნა ან გათავისუფლება, თუმცა აქცენტი გაკეთდა ეთიკური პრაქტიკის სერიოზულ დარღვევაზე და საბჭომ გასცა რეკომენდაცია სათანადო რეაგირების აუცილებლობის შესახებ. როგორც ჩანს ეს იყო რეაგირება განხორციელებული ახალციხის კლინიკის მიმართ დროებით, ვიდრე არ დადგინდება საბოლოო მიზეზები. საბოლოო მიზეზების დადგენის შემდეგ საბჭო კიდევ იმსჯელებს“, - განაცხადა თამარ გაბუნიამ.

შეგახსენებთ, რომ ახალციხის კლინიკაში, 27 წლის ექთანს, მეგი ბაქრაძეს COVID-19-ის საწინააღმდეგო აცრის გაკეთებიდან რამდენიმე წუთში, ანაფილაქსიური შოკი განუვითარდა. პაციენტი თბილისში პირველ საუნივერსიტეტო კლინიკაში კატასტროფის მედიცინის ბრიგადის ეკიპაჟმა გადაიყვანა, თუმცა მისი გადარჩენა ვერ მოხერხდა და 19 მარტს გარდაიცვალა.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ