ოპოზიციური პარტიების ლიდერების ნაწილი დღეს პარლამენტთან შეკრებას და აქციას აანონსებს. შეკრება 20:00 საათზეა დაგეგმილი.

„ბიძინა ივანიშვილის რეჟიმისა და პუტინისტების წინააღმდეგ“ დაგეგმილ პროტესტს ცალკეული პოლიტიკოსები, მათ შორის „ევროპული საქართველოს“ თავმჯდომარე გიგა ბოკერია, „დროას“ ლიდერი ელენე ხოშტარია და „გირჩი - მეტი თავისუფლების“ ლიდერი, ზურაბ ჯაფარიძე უერთდებიან.

„20:00 საათზე ვიკრიბებით პარლამენტის წინ თავისუფლებისთვის, ბიძინა ივანიშვილის რეჟიმის და პუტინისტების წინააღმდეგ“, - აცხადებს გიგა ბოკერია.

დღევანდელ აქციასთან დაკავშირებით განცხადებას პოლიტიკური მოძრაობა „დროაც" ავრცელებს.

„გუშინდელი დღე იყო უდიდესი დარტყმა საქართველოს სახელმწიფოებრიობასა და მის საფუძვლებზე. ჩვენ ვნახეთ სახელმწიფოს მიერ ორგანიზებული თავდასხმა ლგბტქი ადამიანებზე, ჟურნალისტებზე, აქტივისტებსა და სხვა მოქალაქეებზე.

ახლა უმთავრესია, არ შეგვიპყროს უიმედობამ და არ ავირჩიოთ უმოქმედობა. პოლიტიკური მოძრაობა “დროა” უერთდება დღეს, 20:00 საათზე პარლამენტის წინ დაგეგმილ აქციას.

მოქმედების დროა! გავერთიანდეთ ჩვენი უფლებებისთვის და სახელმწიფოსთვის!“, - აღნიშულია გავრცელებულ ინფორმაციაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ