2021-07-05 11:41:46, 449 ნახვა
საზოგადოება
მთავრობა „თბილისი პრაიდის“ ორგანიზატორებს „ღირსების მარშის“ სხვა ლოკაციაზე ჩატარებას სთავაზობს
საქართველოს მთავრობა „თბილისი პრაიდის“ ორგანიზატორებს დღევანდელი მარშის სხვა ლოკაციაზე ჩატარებას სთავაზობს.
ამის შესახებ განცხადება პრემიერ-მინისტრმა, ირაკლი ღარიბაშვილმა მთავრობის დღევანდელ სხდომაზე გააკეთა.
პრემიერი მოუწოდებს „პრაიდის“ ორგანიზატორებს, გაითვალისწინონ მათი შეთავაზება.
„შსს მუდმივ კონტაქტზეა მარშის ორგანიზატორებთან, მათ განემარტათ, რომ მათი აქცია შეიცავს გარკვეულ საფრთხეს და მიეცათ ალტერნატიული ლოკაციების შერჩევის შესაძლებლობა. მინდა, მივმართო მათ, გაითვალისწინონ ჩვენი მოწოდება“, - განაცხადა პრემირმა.
ავტორი: ექსპრესნიუსი,
epn.ge (@expressnews.ge)
