თბილისის ვიცე-მერის ირაკლი ხმალაძის განცხადებით, ექსპლუატაციაში შესვლასთან დაკავშირებული რეგულაცია იმ მშენებლობებს შეეხება, რომლებზეც სამშენებლო ნებართვა 2022 წლიდან გაიცემა.

როგორც ხმალაძემ ჟურნალისტებს განუცხადა, სამშენებლო ამნისტიის კანონპროექტი ბიზნესთან მჭიდრო კომუნიკაციის შედეგად მომზადდა.

„სამშენებლო სექტორთან კომუნიკაცია კანონპროექტის მომზადების ეტაპზევე გვქონდა. ეს პუნქტი მათთან დეტალურად გავიარეთ. ყველა ერთსულოვნად შევთანხმდით, რომ ეს რეგულაცია სწორია. ის, რომ დღეს, ხალხი ექსპლუატაციაში მიუღებელ საცხოვრებელ სახლებშია შესახლებული, სწორედ ამ რეგულაციის არარსებობის ბრალია. ყველა ერთხმად შევთანხმდით, რომ ეს საჭიროა. ამ საკითხთან დაკავშირებით ბიზნესის მხრიდან იყო ორი თხოვნა: თუ შეიძლებოდა, რომ ამ მუხლის ამოქმედების ვადა ყოფილიყო ცოტა უფრო შორს. შევთანხმდით, რომ  ეს წესი გავრცელდება იმ მშენებლობებზე, რომლებზეც მშენებლობის ნებართვა გაიცემა 2022 წლის 1 იანვრიდან. ეს არის ყველაზე მნიშვნელოვანი. მათთან კომუნიკაციის გზით მოხდა ამის რეგლამენტირება“, - განაცხადა ირაკლი ხმალაძემ.

მისივე თქმით, ბიზნესის მეორე თხოვნას შეეხებოდა ექსპლუატაციის ვადებს და  სამშენებლო სექტორსა და მერიას შორის შედგა შეთანხმება, რომ ადმინისტრაციული ვადები მინიმუმამდე იქნება დაყვანილი.

„ჩვენ ამ პირობას, რომელიც ბიზნესს მივეცით, აუცილებლად შევასრულებთ, მით უმეტეს, რომ ჩვენც გვაქვს დრო, რომ რესურსი გავზარდოთ, ოპტიმიზაცია გავუკეთოთ პროცესს. ეს არის ჩვენი მუდმივი  სამუშაო რეჟიმი ყველა სამსახურის მიმართულებით. ვცდილობთ, გავაუმჯობესოთ ადმინისტრაციული პროცედურები. შესაბამისად, ეს ორივე თხოვნა, რაც წამოყენებული იყო ბიზნესის მხრიდან, გათვალისწინებულია“, - განაცხადა ირაკლი ხმალაძემ.

ავტორი: NS (სტატია დაფინანსებულია),

სოციალური ქსელები

კობახიძე – აგვისტოს ომი „ნაციონალური მოძრაობის“ რეჟიმისა და მისი მიმდევრებისთვის 2008-2012 წლებში არ იქცა საკმარის საფუძვლად რუსეთის მიმართ რადიკალური განწყობის ჩამოსაყალიბებლად

კობახიძე – საინტერესოა, რატომ არ ჰქონდა აგენტურას დავალებული რუსოფობობა 2008 წლის აგვისტოს ომის შემდეგ და რატომ დაევალათ ახლა

ბათუმის მერიის თანამშრომელმა დიდი ოდენობით ქრთამი აიღო, იგი დაკავებულია

რუსეთმა სუმი დაბომბა, რის შედეგადაც სამი ადამიანი დაიღუპა