„საერთაშორისო გამჭვირვალობა - საქართველო“ ანგარიშს, სახელწოდებით „ოფშორული კომპანიები საქართველოში: ბიზნეს ინტერესები და კორუფციის რისკები“, ავრცელებს.

ანგარიშის მიხედვით, 2011-2020 წლებში ოფშორული ტერიტორიების მქონე ქვეყნებიდა საქართველოში 5.2 მილიარდ აშშ დოლარამდე პირდაპირი უცხოური ინვესტიცია შემოვიდა, რაც ამ პერიოდის მთლიანი უცხოური ინვესტიციების 38%-ია.

ამავე კვლევის ფარგლებში, მოხერხდა ისეთი 10 ოფშორული კომპანიის იდენტიფიცირება, რომელიც ბიძინა ივანიშვილთან არის დაკავიშირეული და აღნიშნული 10 კომპანია, 26 ქართულ კომპანიას ფლობს.

„საერთაშორისო გამჭვირვალობა - საქართველოს“ ანგარიშის თანახმად, 2012-2020 წლებში 6 ოფშორულ კომპანიას პირდაპირი პრივატიზაციის წესით სახელმწიფო ქონება გადაეცა, მათ შორის, სამს სიმბოლურ ფასად, ერთ ლარად. 15 ოფშორულმა კომპანიამ სახელმწიფო ქონება აუქციონის გზით მიიღო, რომელთა საპრივატიზაციო ღირებულება დაახლოებით 77 მილიონი ლარია.

„ოფშორში რეგისტრირებული კომპანიების ანონიმური მფლობელობა ქვეყანაში „ელიტური კორუფციის“ ხელშემწყობი ფაქტორია. 2016 წლის მაისში ლონდონში გამართულ ანტი-კორუფციულ სამიტზე, საქართველომ ოფშორში რეგისტრირებული კომპანიების რეალური მფლობელების რეესტრის შექმნაზე განაცხადა, თუმცა დღემდე ამ მიმართულებით საქართველოს მთავარობას არანაირი ნაბიჯი არ გადაუდგამს“, - აღნიშულია „საერთაშორისო გამჭვირვალობა - საქართველოს“ მიერ გავრცელებულ ანგარიშში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გიგა ავალიანის საქმის ერთ-ერთი ფიგურანტი ნია იმნაძე დააკავეს

სუს: ვრცელდებოდა ინფორმაცია, თითქოს საქართველოს მოქალაქეები რუს ტურისტებს ტყეში ტოვებდნენ

სემეკის წევრი: ენგურჰესზე მიმდინარეობდა დაგეგმილი ტესტირება, მოხდა სისტემის სრულად გათიშვა

"საქართველოში იმყოფება კანონიერი საფუძვლის გარეშე" - შსს უნგრელი ჟურნალისტის დაკავებაზე