გვიან, მაგრამ მაინც მიხვდნენ, რომ მათი მცდელობა, წყალი აემღვრიათ და თევზი მოენადირებინათ, ფუჭი აღმოჩნდა, - ამის შესახებ საპარლამენტო უმრავლესობის წევრმა, მიხეილ სარჯველაძემ ,,ნაციონალური მოძრაობის" პარლამენტში შესვლასთან დაკავშირებით განაცხადა.

როგორც მან აღნიშნა, პარტიას მოუწევს შარლ მიშელის დოკუმენტზე ხელის მოწერა, წინააღმდეგ შემთხვევაში, თავად შარლ მიშელი გააფორმებს მათ ფიასკოს.

,,რაც მთავარია ,,ნაციონალური მოძრაობა" სწორ გზას ადგას. გვიან, მაგრამ მაინც მიხვდნენ, რომ ფუჭი აღმოჩნდა მათი 6-თვიანი მცდელობა, რომ რამენაირად წყალი აემღვრიათ და ამასობაში თევზი მოენადირებინათ. გვიან, მაგრამ მაინც მიხვდნენ, რომ უნიჭოდ დაგეგმილი ფოკუსის არსს ყველა მიუხვდა და ჯიუტად ამის გამეორების მცდელობა უკვე განწირულია. ასევე გვიან, მაგრამ მაინც მიხვდნენ, რომ მატარებელი მათ გარეშე დაიძრა და სხვებმა დაიკავეს და სამართლიანადაც მანამდე მათ მიერ ოკუპირებული ადგილი. დაგვიანებით, მაგრამ მაინც მიხვდნენ და დაგვიანებული ნაბიჯი შემოდგეს პარლამენტში, მაგრამ თვალი მაინც იმ ფოკუსზე უჭირავთ რადგან, შარლ მიშელის დოკუმენტზე ხელმოწერისგან კვლავ თავს იკავებენ. არაუშავს, ალბათ დაგვიანებით, მაგრამ მაინც მიხვდებიან იმას, რომ შარლ მიშელის დოკუმენტზე ხელმოწერაც მოუწევთ, თორემ თავად შარლ მიშელი გააფორმებს მათ ფიასკოს", - განაცხადა მიხეილ სარჯველაძემ.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა