დედაქალაქის მერმა სპორტის სასახლის მიმდებარედ, ტყვარჩელის ქუჩაზე ე.წ ბარაკების ადგილას  მოწყობილი სკვერი დაათვალიერა.

სკვერი მას შემდეგ მოეწყო, რაც თბილისის მერიამ ტერიტორიის  ადგილმონაცვლეობა განახორციელა.

როგორც კახა კალაძემ განაცხადა, აღნიშნული სკვერი მეხუთე პროექტია, რომელიც სპორტის სასახლის მიმდებარე ტერიტორიაზე განხორციელდა.

„ეს ადგილი, სადაც ახლა ვიმყოფებით იყო ბარაკებით სავსე. მოხდა ადგილმონაცვლეობა და აქ მცხოვრები მოსახლეობისთვის მოეწყო სკვერი. დაახლოებით, 1300 კვადრატულ მეტრზეა ეს სივრცე მოწყობილი. ზოგადად, სპორტის სასახლის მიმდებარე ტერიტორია საკმაოდ დატვირთულია კორპუსებით. ვხედავთ, ირგვლივ რა ხდება და რა მდგომარეობაა. მნიშვნელოვანია ის ფაქტი, რომ ეს პროექტი ადგილობრივი მოსახლეობის ჩართულობით განხორციელდა. ჩვენ, რამდენიმე წლის წინ აქ სპორტული მოედანიც გავაკეთეთ. ეს სკვერი არის მეხუთე პროექტი, რომელიც ამ ტერიტორიაზე გაკეთდა, თუმცა, ამაზე არ ვჩერდებით. კიდევ არის გარკვეული ტერიტორიები, სადაც შევძლებთ ფარეხების აღებას, ბარაკების ადგილმონაცვლეობას და მოვაწყობთ ანალოგიურ სივრცეებს, რაც, ვფიქრობ, ძალიან მნიშვნელოვანია აქ მცხოვრები მოსახლეობისთვის“ , - განაცხადა თბილისის მერმა.

სკვერი თბილისის მერთან ერთად პარლამენტის დეპუტატმა დავით სერგეენკომ და საბურთალოს რაიონის გამგებელმა გაიოზ ვასაძემ დაათვალიერეს.

პროექტის შედეგად, 1300 კვადრატულ მეტრ ფართობზე გამწვანების სამუშაოები ჩატარდა. ტერიტორიაზე სხვადასხვა სახის ხე-მცენარეები დაირგო, მოეწყო სარწყავი სისტემა და დაიგო რულონური ბალახი. ასევე,  დამონტაჟდა ლედ განათების სისტემა და სკვერისთვის ყველა საჭირო ინვენტარი განთავსდა.

პროექტისთვის საბურთალოს გამგეობის ბიუჯეტიდან 250 000 ლარი გამოიყო. სამუშაოები კი კომპანიამ -  „გრინსერვისი +“ შეასრულა.

ავტორი: NS (სტატია დაფინანსებულია),

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს