ნიკა მელია ამბობს, რომ მზადაა გადაიხადოს გირაო, ოღონდ ამნისტია არ იყოს, ეს არაა კაცური საქციელი, - ამის შესახებ „ქართული ოცნების“ თავმჯდომარემ, ირაკლი კობახიძემ პარლამენტში განაცხადა.

ირაკლი კობახიძის განმარტებით, ამნისტია არ არის გირაოს ალტერნატივა.

„ამნისტია არ არის არაფრის ალტერნატივა, რადგან ამნისტიას ითვალისწინებს შეთანხმება, რომელსაც მოვაწერეთ ხელი, საბოლოო ჯამში, ეს იყო ინიციატივა საერთაშორისო პარტნიორების მხრიდან და აქედან გამომდინარე, ჩვენ ვართ პასუხისმგებელი, რომ დოკუმენტის ეს ნაწილი აღსრულდეს. ნიკა მელიას მხრიდან გირაოს გადახდა ჩვენთვის მნიშვნელოვანია, რომ მელიამ აღიაროს ეს გირაო. ამნისტიის ალტერნატივა არ არის გირაო. როდესაც ნიკა მელია ამბობს, რომ მზად არის გირაო გადაიხადოს, გამოვიდეს, ოღონდ ამნისტია არ იყოს მიღებული, ეს კარგია, რადგან არის უკან დახევა, მაგრამ მინდა ვუთხრა, რომ ეს არ არის კაცური საქციელი, როდესაც ამბობს, რომ გადაიდხის და გამოვა, ის ადამიანები კი, რომლებიც მისგან იყვნენ გაბრიყვებულები, ციხეში უნდა შევიდნენ“, - განაცხადა ირაკლი კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს